جموں و کشمیر،ضلع اوڑی میں بھارتی فورسز کا تلاشی آپریشن مسلسل جاری

جمعرات 14 اگست 2025 17:23

سری نگر (اُردو پوائنٹ اخبارتازہ ترین - اے پی پی۔ 14 اگست2025ء) بھارت کے غیر قانونی زیر تسلط جموں و کشمیر میں بھارتی فورسز کے اہلکاروں کی طرف سے ضلع بارہمولہ کے علاقے اوڑی میں محاصرے اور تلاشی کی کارروائی آج دوسرے روز بھی جاری ہے۔کشمیر میڈیا سروس کے گزشتہ روز علاقے میں تلاشی آپریشن کے دوران بھارتی فوج کا ایک اہلکار ایک حملے میں ہلاک ہو گیا تھا۔

(جاری ہے)

بارہمولہ کے سینئر سپرنٹنڈنٹ پولیس گروندرپال سنگھ نے کہا کہ اوڑی میں آپریشن ابھی بھی جاری ہے اور گھر گھر تلاشی لی جا رہی ہے۔ قابض بھارتی فورسز کے آپریشن کے باعث لوگ شدید مشکلات سے دوچار ہیں ۔ کچھ لوگوں نے نام ظاہر نہ کرنے کی شرط پر ذرائع ابلاغ کے نمائندوں کو بتایا کہ بھارتی فورسز اہلکار گھروںمیں گھس کر خواتین اور بچوں سمیت مکینوں کو سخت ہراساں اور قیمتی گھریلو اشیاءکی توڑ پھوڑ کرتے ہیں۔