�یں یوم جشن آزادی ، خیبرپختونخوا کلچراینڈٹورازم اتھارٹی کے زیراہتمام شاندار آتش بازی کا انعقاد

جشن آزادی تقریبا ت پر نشترہال پشاور میں تھیٹر ڈرامہ، باب خیبر تا پشاورسپورٹس کمپلیکس سائیکل ریس، پبی نوشہر ہ تا پشاور موٹر سائیکل ریلی اور سپورٹس کمپلیکس میںآزادی فیسٹیول کا انعقاد

جمعرات 14 اگست 2025 20:25

پشاور(اُردو پوائنٹ اخبارتازہ ترین - این این آئی۔ 14 اگست2025ء)78ویں یوم جشن آزادی کی تقریبات کے سلسلے میں خیبرپختونخوا کلچراینڈٹورازم اتھارٹی اور ڈائریکٹوریٹ جنرل آف سپورٹس خیبرپختونخوا کے باہمی اشتراک سے پشاور سپورٹس کمپلیکس میں آزادی فیسٹیول کا انعقاد کیاگیا جس میں شاندار آتش بازی ، لائٹس شو، میجک شو، جمناسٹک، مارشل آرٹس، نیلام گھر، روایتی رقص، علاقائی ثقافتی سرگرمیاں، فیمیلز اور بچوں کیلئے خصوصی تفریحی پروگرام منعقد کئے گئے۔

اس موقع پر صوبائی وزیر کھیل و امور نوجوانان سید فخر جہان مہمان خصوصی تھے۔ ان کے ہمراہ ڈائریکٹر جنرل خیبرپختونخوا کلچراینڈ ٹورازم اتھارٹی حبیب اللہ عارف، ڈی جی سپورٹس خیبرپختونخوا تاشفین حیدر ، جنرل منیجر محمد علی سیداور دیگر شخصیات موجود تھیں۔

(جاری ہے)

جشن آزادی تقریبات کے سلسلے میں خیبرپختونخواکلچراینڈٹورازم اتھارٹی نے خیبرپختونخوا سائیکلنگ ایسوسی ایشن کے تعاون سے باب خیبر جمرود باراز تا پشاور سپورٹس کمپلیکس سائیکل ریس کا انعقاد کیا۔

سائیکل ریس خیبرپختونخوا سائیکلنگ ایسوسی ایشن کے سربراہ نثار احمد کی نگرانی میں منعقد ہوئی۔ جس میں خیبرپختونخوا کے تمام ڈویژن ، سائیکلنگ کلب کیساتھ ساتھ پاکستان آرڈیننس فیکٹری اور اسلام آباد سائیکلنگ ٹیم شریک تھی۔15کلومیٹر سائیکل ریس پشاور سپورٹس کمپلیکس میں اختتام پذیر ہوئی جس میں 50 سائیکلسٹ سواروں نے دو مختلف کیٹیگریز (سپورٹس اور چائنہ سائیکل) میں حصہ لیا۔

ریس کے اختتام پر وزیرکھیل سید فخر جہان نے فاتح کھلاڑیوں میں انعامات تقسیم کئے۔ دریں اثناء خیبرپختونخوا ٹورازم اتھارٹی کے زیراہتمام جشن آزادی کی تقریبات میں بائیک ریلی پبی نوشہرہ سے روانہ ہوئی اور جی ٹی روڈ سے ہوتی ہوئی پشاور صدر پہنچی۔ جس میں 25 کے قریب بائیکرز شریک ہوئے ۔خیبرپختونخوا کلچراینڈٹورازم اتھارٹی اور کیٹ تھیٹر کلب کے باہمی اشتراک سے جشن آزادی تقریبات کے سلسلے میں نشترہال پشاور میں جشن آزادی تھیٹر ڈرامہ "میں پاکستان ہوں" کے عنوان سے منعقد کیا گیا۔

جس کی تحریر باطن فاروقی، ہدایات خالد خٹک دیگرفنکاروں میںنوشابہ بی بی، ذوالقرنین حیدر، نورحسین، طاہر وہاب قریشی، عبدالجبار اور دیگر شامل تھے۔ ڈرامہ میں اپنے پیارے وطن پاکستان سے محبت ، ہم آہنگی ، ہمارے آبائو اجداد کے خوابوں اور قربانیوں کی تعبیر موضوع تھا۔