وزیر اعظم نے مونومنٹ میں پرچم کشائی کی اور یادگار شہدا پر پھول چڑھائے

علاقائی لباسوں میں ملبوس ننھے بچوں نے وزیر اعظم شہبازشریف کو پھول پیش کئے

جمعرات 14 اگست 2025 20:30

اسلام آباد(اُردو پوائنٹ اخبارتازہ ترین - این این آئی۔ 14 اگست2025ء)وزیر اعظم شہباز شریف نے یوم آزادی کے موقع پر مونومنٹ میں پرچم کشائی کی اور یادگار شہدا پر پھول چڑھائے۔تفصیلات کے مطابق یوم آزادی کے موقع پر یادگار شہدا پر مرکزی تقریب کا انعقاد کیاگیا،جس کے مہمان خصوصی وزیر اعظم شہباز شریف تھے۔ علاقائی لباسوں میں ملبوس ننھے بچوں نے وزیر اعظم کو پھول پیش کئے ،جبکہ وزیر اعظم نے بچوں سے پیار کیا۔

اس موقع پر سائرن بجائے گئے اورقومی ترانے بجایا گیا۔

(جاری ہے)

وزیر اعظم نے یادگار شہدا پر حاضری دی،پھول چڑھائے اورمادر وطن پر جان نچھاور کرنے والے شہدا کو خراج عقیدت پیش کرتے ہوئے ان کی بلندی درجات کے لئے فاتحہ خوانی کی۔اس موقع پر وزیر اعظم نے ملک کی سلامتی اور خوشحالی کیلئے دعاکی۔اس موقع پر بچوں کی بڑی تعداد بھی موجود تھی۔ چیئرمین سینٹ سید یوسف رضا گیلانی،سپیکر قومی اسمبلی سردار ایاز صادق،نائب وزیر اعظم و وزیر خارجہ سینیٹر محمد اسحاق ڈار،ڈپٹی سپیکر سید غلام مصطفی شاہ ،وفاقی وزرا رانا تنویر حسین،عطااللہ تارڑ، ڈاکٹر طارق فضل چوہدری، سردار محمد یوسف ،پروفیسر احسن اقبال اور محمد حنیف عباسی کے علاہ بڑی تعداد میں ارکان قومی اسمبلی اور دیگر افراد نے تقریب میں شرکت کی۔