پاکستان ریفائنری لمیٹڈ کا 15 روز کے لیے ری جنریشن شٹ ڈان کا اعلان

ریفائنری کی بندش سے تیل و دیگر مصنوعات کی سپلائی چین پر جزوی اثر پڑنے کا امکان ہے، ماہرین

جمعہ 15 اگست 2025 14:20

کراچی(اُردو پوائنٹ اخبارتازہ ترین - این این آئی۔ 15 اگست2025ء)پاکستان ریفائنری لمیٹڈ کی جانب سے 15 روز کے لیے ری جنریشن شٹ ڈان کا اعلان کیا گیا ہے۔کمپنی کی جانب سے کیے گئے فیصلے سے پاکستان اسٹاک ایکسچینج کو باضابطہ مطلع کردیا گیا ہے۔

(جاری ہے)

پی آر ایل کے پی ایس ایکس کو لکھے گئے خط کے مطابق 17 اگست 2025 سے ری جنریشن شٹ ڈان شروع کیا جارہا ہے۔خط میں کہا گیا ہے کہ شٹ ڈان تقریبا 15 دن جاری رہے گا، اس دوران ریفائنری کی تمام پیداوار معطل رہے گی۔ شٹ ڈان پلانٹ کی دیکھ بھال اور تکنیکی بحالی کے لیے کیا جارہا ہے ۔ماہرین کے مطابق ریفائنری کی بندش سے تیل و دیگر مصنوعات کی سپلائی چین پر جزوی اثر پڑنے کا امکان ہے۔