وزیراعلی مریم نواز شریف کا ایک اور اعزاز ‘جاپان گورنمنٹ کی وزیر اعلی کو سرکاری دورہ کی خصوصی دعوت

جمعہ 15 اگست 2025 20:23

ٰلاہور(اُردو پوائنٹ اخبارتازہ ترین - آن لائن۔ 15 اگست2025ء)وزیراعلی مریم نواز شریف کا ایک اور اعزاز ‘جاپان گورنمنٹ کی وزیر اعلی مریم نواز شریف کو سرکاری دورہ کی خصوصی دعوت دی گئی ہے اوروزیراعلی پنجاب مریم نواز شریف جمعہ جاپان کے پانچ روزہ دورہ پر روانہ ہوگئی ہیں۔لاہور ائیر پورٹ پر اعلی حکام نے وزیر اعلیٰ مریم نواز شریف اور وفد کو رخصت کیا۔

(جاری ہے)

سینئر منسٹر مریم اورنگ زیب ، وزیر اطلاعات وثقافت عظمی زاہد بخاری ، صوبائی وزرا ملک صہیب بھرت ، ذیشان رفیق،معاون خصوصی ثانیہ عاشق اور اعلیٰ سرکاری افسران بھی وفد میں شامل تھے۔وزیراعلی مریم نواز شریف سرکاری طور پر جاپان کا دورہ کرنے والی پہلی وزیراعلی ہیں ۔وہ ٹوکیو۔ اوساکا اور یاکوہوماکے دورے کریں گی۔وزیر اعلیٰ مریم نواز شریف اوساکا میں ورلڈ ایکسپو میں شرکت کریں گی ۔وزیر اعلیٰ مریم نواز شریف جاپان کے اعلی حکام سے ملاقاتیں بھی کرینگی۔ م* وزیراعلی مریم نواز شریف کے دورہ میں مختلف جاپانی اداروں کے وزٹ بھی شامل ہیں۔