پاکستان کے ارب پتی بزنس ٹائیکون کی فہرست منظر عام پر آگئی

بیسٹ وے گروپ کے سر انور پرویز پاکستان کے امیر ترین کاروباری شخصیت ،فوجی فائونڈیشن گروپ پاکستان کا دوسرا بڑاجبکہ ٹبہ گروپ پاکستان کا تیسرا امیر ترین کاروباری خاندان ہے،معاشی تھنک ٹینک اکنامک پالیسی اینڈ بزنس ڈویلپمنٹ نے پاکستان کی کاروباری گروپس کی مالیت بارے رپورٹ جاری کردی

اتوار 17 اگست 2025 14:30

کراچی(اُردو پوائنٹ اخبارتازہ ترین - این این آئی۔ 17 اگست2025ء)پاکستان کے ارب پتی بزنس ٹائیکون کی فہرست منظر عام پر آگئی ہے ،بیسٹ وے گروپ کے سر انور پرویز پاکستان کے امیر ترین کاروباری شخصیت ہیں،فوجی فائونڈیشن گروپ پاکستان کا دوسرا بڑا امیر ترین گروپ جبکہ ٹبہ گروپ پاکستان کا تیسرا امیر ترین کاروباری خاندان ہے۔ معاشی تھنک ٹینک اکنامک پالیسی اینڈ بزنس ڈویلپمنٹ نے پاکستان کی کاروباری گروپس کی مالیت بارے رپورٹ جاری کردی ہے ۔

رپورٹ کے مطابق بیسٹ وے گروپ کے سر انور پرویز پاکستان کے امیر ترین کاروباری شخصیت ہیں سر انور پرویز نے پاکستان میں 3 ارب 62 کروڑ ڈالرز کی سرمایہ کاری کی ہے۔ رپورٹ کے مطابق فوجی فائونڈیشن گروپ پاکستان کا دوسرا بڑا امیر ترین گروپ ہے، فوجی فائونڈیشن کی سرمایہ کاری 2 ارب 25 کروڑ ڈالرز ہے۔

(جاری ہے)

ٹبہ گروپ پاکستان کا تیسرا امیر ترین کاروباری خاندان ہے ٹبہ گروپ 1 ارب 88 کروڑ ڈالرز کی سرمایہ کاری کے ساتھ تیسرا امیر ترین گروپ ہے۔

پاکستان ٹوبیکو پاکستان کا چوتھا امیر ترین کاروباری گروپ ہے پاکستان ٹوبیکو نے ایک ارب 18 کروڑ ڈالرز کی سرمایہ کاری کر رکھی ہے۔ رپورٹ کے مطابق ابراہیم گروپ کے میر شکیل پاکستان کی پانچویں امیر ترین کاروباری شخصیت ہیںابراہیم گروپ نے ایک ارب ڈالر کی سرمایہ کاری کر رکھی ہے۔ رپورٹ کے مطابق آغا خان گروپ 954 ملین ڈالرز کی سرمایہ کاری کے ساتھ چھٹا امیر ترین گروپ ہے ۔

میاں منشا پاکستان کی ساتویں امیر ترین کاروباری شخصیت ہیں،میاں منشا نے پاکستان میں 920 ملین ڈالرز کی سرمایہ کاری کی ہوئی ہے۔رپورٹ کے مطابق سید بابر علی کا شمار 40 ارب پتی کاروباری خاندانوں میں پہلے نمبر ہے۔ پیکجز گروپ کے سید بابر علی 1 ارب 60 کروڑ ڈالرز کے مالک ہیں۔فاطمہ گروپ کے فواد مختار دوسری بڑی کاروباری شخصیت ہیں۔گوہر اعجاز پاکستان کی پانچویں بڑی کاروباری شخصیت ہیں۔لیک سٹی ہولڈنگ کے مالک گوہر اعجاز 2 ارب 50 کروڑ ڈالرز کے کاروباری مالک ہیں ۔