د*مودی سرکار بھارت کی سیکولر شناخت اور قومی ہم آہنگی کے لیے سنگین خطرہ

× نئی دہلی (اُردو پوائنٹ اخبارتازہ ترین - آن لائن۔ 17 اگست2025ء)مودی کی ہندوتوا آئیڈیالوجی اور انتہا پسند سیاست نے بھارت کی جمہوری ساکھ کو تباہ دیا اورمودی سرکار بھارت کی سیکولر شناخت اور قومی ہم آہنگی کے لیے سنگین خطرہ بن گئی ہے۔مودی کی یوم آزادی پر آر ایس ایس کے نظریے پر مبنی تقریر نے بھارت میں ایک نیا تنازع کھڑا کر دیا ۔کانگریس رہنماؤں نے یوم آزادی پر مودی کی تقریر کو جمہوری اقدار کیلئے انتہائی خطرناک اور پریشان کن قرار دے دیا ۔

کانگریس رہنما اور ایم پی جیر ام رمیش نے کہا مودی کی یوم آزادی پر آر ایس ایس کی تعریف تنظیم کو مطمئن کرنے کی ایک ''ناکام کوشش'' ہے ۔ لال قلعہ سے آر ایس ایس کو پکارنا سیکولر بھارت کیلئے پریشان کن ہے، ہندوتوا پر مبنی تقریر آئینی، سیکولر جمہوریت کی روح کی کھلم کھلا خلاف ورزی ہے، مودی فیصلہ کن طور پر کمزور ہو چکے ہیں ، مودی ستمبر کے بعد مدت ملازمت میں توسیع کیلئے موہن بھاگوت کے رحم و کرم پر ہیں، جیرام رمیش نے کہا کہ وزیراعظم مودی آج تھکے ہوئے تھے، جلد ہی ریٹائر ہو جائیں گے۔

(جاری ہے)

راہول گاندھی نے کہا کہ وزیر اعظم مودی نے وہی پرانی تقریر کی ان کے پاس کوئی نئی بات نہیں تھی۔کانگریس رہنما دیپ سنگھ پوری نے پوسٹر شیئر کرتے ہو ئے کہا: آپ شہدا کو رسوا نہ کریں ۔مسٹر مودی، آپ کتنی ہی کوشش کرلیں، آپ مہاتما، نیتا جی اور بھگت سنگھ نہیں بن سکتے، مسٹر مودی آپ شہیدوں کو رسوا نہ کریں، جو آزادی کے لیے لڑے اور مر گئے۔لوک سبھا میں کانگریس کے چیف وہپ مانیکم ٹیگور نے بھی مودی کے ہندوتوابیانیے پر کئی سوالات اٹھا دئیے اورکہا کہ آزادی کیلئے آر ایس ایس انگریزوں سے نہیں لڑی۔

سی وینوگوپال نے کہا کہ ہر یوم آزادی پر بی جے پی تاریخ کو مسخ کرنے اور غداروں کو ہیرو بنانے کی کوشش کرتی ہے۔نام نہاد سیکولر بھارت کا نعرہ لگانے والا مودی جمہوریت سے انحراف اور ہندوتوا کو تقویت دینے میں مصروف ہے ‘ مودی کی انتہا پسند ہندوتوا آئیڈیالوجی نے بھارت کے تشخص کو بگاڑ کر رکھ دیا ہے ُیوم آزادی پر تمام قوموں کو پس پشت ڈال کر آر ایس ایس کے بیانیے کو تقویت دینا مودی کی ذہنی پستی کی عکاسی ہے۔