{ملتان میں عوام ایکسپریس حادثے کی انکوائری 19 اور 20 اگست کوہوگی

-فیڈرل گورنمنٹ انسپکٹر آف ریلویز عامر نثار چودھری کمیٹی روم میں انکوائری کرینگے،حکام ں*حادثے سے متعلق معلومات رکھنے والے افراد براہِ راست یا بذریعہ ڈاک آگاہ کرسکیں گے

اتوار 17 اگست 2025 19:05

xلاہور(اُردو پوائنٹ اخبارتازہ ترین - آن لائن۔ 17 اگست2025ء)فیڈرل گورنمنٹ انسپکٹر آف ریلویز عامر نثار چودھری 19 اور 20 اگست کو ڈی ایس آفس ملتان کے کمیٹی روم میں 14 ڈاؤن عوام ایکسپریس کی 17 اگست بروز اتوار صبح ہونے والی ڈی ریلمنٹ کے حوالے سے انکوائری کریں گے۔

(جاری ہے)

انکوائری کا آغاز صبح 9 بجے ہو گا، اس دوران انسپکٹر عامر نثار حادثے سے متعلق کسی بھی طرح کی اطلاع رکھنے والے شخص سے ملاقات کے لیے دستیاب ہوں گے۔

حکومتِ پاکستان کے قوانین کے تحت یہ اطلاع بذریعہ ڈاک بھی 22 اگست تک ایف جی آئی آر کے دفتر، علامہ اقبال روڈ پر پہنچائی جا سکتی ہے۔ عامر نثار چودھری کے مطابق اطلاع دہندہ کا نام صیغہ راز میں رکھا جائے گا۔انہوں نے کہا کہ انکوائری کے سلسلے میں تمام عوامل کو مدنظر رکھا جائے گا اور کسی بھی دباؤ کو خاطر میں نہ لاتے ہوئے صاف و شفاف تحقیقات کی جائیں گی۔