بھارت کو عسکری ٹیکنالوجی کی منتقلی امریکی کمپنیوں کیلئے خطرناک ہو سکتا ہے، امریکا

پیر 18 اگست 2025 16:51

واشنگٹن (اُردو پوائنٹ اخبارتازہ ترین - این این آئی۔ 18 اگست2025ء)وائٹ ہائوس کے تجارتی مشیر پیٹر نیوارو نے کہا ہے کہ امریکی کمپنیوں کے لیے بھارت کو جدید عسکری ٹیکنالوجی منتقل کرنا ایک خطرناک قدم ہو سکتا ہے۔وائٹ ہائوس کے مشیر پیٹر نیوارو کا امریکی اخبار میں ایک مضمون شائع ہوا ہے جس میں انہوں نے کہا ہے کہ بھارت کی روسی خام تیل کی خریداری ماسکو کو یوکرین جنگ میں مالی مدد فراہم کر رہی ہے۔

انہوں نے لکھا کہ بھارت کو روس سے خام تیل خریدنا بند کرنا ہوگا، یہ سلسلہ بند ہونا چاہیے۔

(جاری ہے)

نیوارو نے مزید لکھا کہ بھارت اب روس اور چین دونوں کے قریب ہو رہا ہے، اگر بھارت چاہتا ہے کہ اسے امریکا کا اسٹریٹجک پارٹنر سمجھا جائے تو اسے اس کے مطابق برتا کرنا ہوگا۔ان کا کہنا تھا کہ امریکی کمپنیوں کے لیے بھارت کو جدید عسکری ٹیکنالوجی منتقل کرنا ایک خطرناک قدم ہو سکتا ہے۔یاد رہے کہ گزشتہ ہفتے امریکا نے بھارت کو خبردار کیا تھا کہ اگر صدر ٹرمپ اور ولادیمیر پیوٹن کے درمیان مذاکرات ناکام ہوئے تو وہ بھارت پر مزید ٹیرف لگائیں گے۔امریکی وزیرِ خزانہ اسکاٹ بیسنٹ نے کہا تھا کہ امریکا نے جو اضافی 25 فیصد ٹیرف بھارت پر لگایا ہے، وہ مزید بڑھایا جا سکتا ہے۔