پنجاب حکومت کا لاہور ٹرام سروس اگلے برس شروع کرنے کا اعلان

ٹرام میں 270 نشستوں کی گنجائش ، منصوبے پر 30 لاکھ ڈالر لاگت آئے گی‘ وزیر ٹرانسپورٹ بلال اکبر خان

پیر 18 اگست 2025 21:20

لاہور(اُردو پوائنٹ اخبارتازہ ترین۔ 18 اگست2025ء)پنجاب حکومت نے اگلے سال فروری سے لاہور میں ٹرام سروس شروع کرنے کا اعلان کر دیا۔وزیر ٹرانسپورٹ پنجاب بلال اکبر خان کے مطابق ٹرام کا ٹیسٹ کامیاب ہو گیا۔ٹھوکر سے ہربنس پورہ تک ٹرام سروس فروری 2026 سے شروع ہو گی، ٹرام میں 270 نشستوں کی گنجائش ہوگی، منصوبے پر 30 لاکھ ڈالر لاگت آئے گی۔

(جاری ہے)

انہوںنے کہا کہ منصوبے کے لیے پنجاب نیسپاک اور پی ایم اے افسران نے چین کا دورہ کیا، فیصل آباد اور گوجرانوالہ میں بھی میٹرو ٹرین چلانے کا فیصلہ کیا ہے، فیصل آباد میٹرو ٹرین روزانہ 3 لاکھ مسافروں کو سہولت دے گی۔

بلال اکبر خان نے کہا کہ گوجرانوالہ میٹرو ٹرین یومیہ 1 لاکھ 40 ہزار مسافروں کو سہولت دے گی، فیصل آباد میٹرو منصوبے کی لاگت 110 ملین ڈالر مقرر کی گئی ہے جبکہ گوجرانوالہ میٹرو منصوبے پر 50 ملین ڈالر لاگت آئے گی۔انہوںنے کہا کہ لاہور میں موٹرسائیکل اور گاڑیوں سے ماحولیاتی آلودگی میں اضافہ ہو رہا ہے، ٹرام اور میٹرو منصوبے ماحولیاتی آلودگی پر قابو پانے کی کوشش ہیں۔