وزیر تعلیم نے گورنمنٹ ہائر سیکنڈری سکول آدینہ ضلع صوابی میں درخت لگا کر شجرکاری مہم کا آغاز کر دیا

صوابی (اُردو پوائنٹ اخبارتازہ ترین - این این آئی۔ 18 اگست2025ء)خیبرپختونخوا کے وزیر برائے تعلیم فیصل خان ترکئی نے پیر کو گورنمنٹ ہائر سیکنڈری سکول آدینہ ضلع صوابی میں درخت لگا کر شجرکاری مہم کا آغاز کیا۔ ایک بیٹی ایک درخت کے نام سے شروع کردہ یہ مہم محکمہ تعلیم کی طرف سے صوبہ بھر کے ہر سکول میں جاری رہے گا اور صوبہ بھر میں طلبا و طالبات اور اساتذہ لاکھوں کی تعداد میں درخت اور پودے لگا کر کلین اینڈ گرین خیبر پختون خواہ میں حصہ لیں گے۔

منعقدہ تقریب سے خطاب کرتے ہوئے وزیر تعلیم فیصل خان ترکئی نے کہا کہ محکمہ تعلیم اس قسم کے مہمات میں حصہ لے کر ہم اپنے انے والی نسلوں کو کلائمیٹ چینج اور گلوبل وارمنگ سے آگاہ کر رہے ہیں اور ان پر قابو پانے کے لئے درخت لگانا ہی واحد حل ہے انہوں نے کہا کہ خیبر پختونخوا اور پورا پاکستان اس وقت کلائمیٹ چینج کی لپیٹ میں ہے اور حالیہ بارشوں اور سیلاب کی وجہ سے قیمتی جانیں ضائع ہو گئی۔

(جاری ہے)

اربوں روپے کا نقصان ہوا، روڈز، سکول، ہسپتال اور عوام کے گھر تباہ ہو گئے جس کی بنیادی وجہ کلائمیٹ چینج ہے اور ہم صرف درخت لگا کر ہی ان پر قابو پا سکتے ہیں ورنہ آنے والے چند سالوں میں موسمیاتی تبدیلی کے ساتھ ساتھ ہمیں اس قسم کے شدید مصیبتوں کا سامنا کرنا ہوگا ہم اپنے طلبا و طالبات کو آگاہ کرنا چاہتے ہیں کہ اس قسم کے نقصانات اور مسائل سے صرف ایک ہی صورت پر قابو پایا جا سکتا ہے۔

وزیر تعلیم نے صوبہ بھر کے ڈسٹرکٹ ایجوکیشن آفیسرز، پرنسپلز، ہیڈ ماسٹرز اور تمام طلبا و طالبات کو ہدایت جاری کی کہ اس جاری مہم میں بھرپور حصہ لیں اور ہر بچہ کم از کم ایک پودا لگا کر اپنے حصے کا حق ادا کریں۔ انہوں نے کہا کہ عمران خان واحد لیڈر تھا جس نے اس کی آگاہی بھی دی اور عملی اقدامات بھی کئے ان کے دور میں بلین ٹری سونامی منصوبے کا اغاز ہوا۔ انہوں نے محکمہ تعلیم حکام کو ہدایت کی کہ نئے سکولوں کی فیزیبلٹی اور سائیٹ سلیکشن پر خصوصی توجہ دے اور محفوظ مقامات پر سکولوں کی فیزیبلٹی بنائیں تاکہ ان کے متاثر ہونے کا خطرہ نہ ہو۔ انہوں نے کہا کہ محکمہ تعلیم انرولمنٹ ڈرائیو کی طرح ہر سال شجر کاری مہم کے لئے بھی اقدامات کرے گی،