آن لائن جوا ء کرانے والی درجنوں ایپس غیرقانونی قرار، بند کرنے کا فیصلہ

نیشنل کرائم انویسٹی گیشن ایجنسی نے ایپس بند کروانے کیلئے پی ٹی اے سے رابطہ کرلیا

منگل 19 اگست 2025 22:05

آن لائن جوا ء کرانے والی درجنوں ایپس غیرقانونی قرار، بند کرنے کا فیصلہ

لاہور(اُردو پوائنٹ اخبارتازہ ترین - این این آئی۔ 19 اگست2025ء)نیشنل سائبر کرائم انویسٹی گیشن ایجنسی ملک بھر میں آن لائن جوا ء کرانے والی درجنوں ایپس فعال کے خلاف کارروائی کے لئے متحرک ہو گئی ،جوئے کی 46 ایپلی کیشنز کی نشاندہی کرکے انہیں غیرقانونی قرار دے دیا۔سائبر ایجنسی نے غیرقانونی ایپس کی فہرست بھی جاری کردی ہیں، این سی سی آئی اے نے جوا ء کرانے والی ایپس بند کرانے کیلئے پاکستان ٹیلی کام اتھارٹی سے رابطہ کرلیا۔

رپورٹ کے مطابق غیرقانونی ایپلی کیشنز میں فاریکس ٹریڈنگ کی نان ریگولیٹڈ ایپس بھی شامل ہیں، شہریوں کا ذاتی ڈیٹا اور موبائل نمبر کی تفصیلات دینے والی ایپس بھی اس کا حصہ ہیں۔رپورٹ کے مطابق غیرقانونی قرار دی گئی ایپس میں ون ایکس بیٹ، چکن روڈ، ایواتار گیمز، دفا بیٹ، 22 بیٹ، کسومو، رابونا، ٹین کرک، پلنکو، بیٹ 365 بھی شامل ہیں۔

(جاری ہے)

نیشنل سائبر کرائم انویسٹی گیشن ایجنسی کی جانب سے غیر قانونی قرار دی گئی ایپس میں 22 بیٹ، میل بیٹ، پاری میچ، بیٹ ونر، 888 اسٹارز، تھنڈر پک، سم اونر ڈیٹیل اینڈ سم انفو، پاک سم ڈیٹا اینڈ سم انفو، سم اونر ڈیٹیل ویریفیکیشن، پاک ای سروسز اینڈ سم ڈیٹیل، سم اونر ڈیٹیل اینڈ پیکیجز، فریش سم ڈیٹابیس، اسکائی سم ڈیٹا، سم اونر ڈیٹیل، سم ٹریکر، بی 9 گیمز ایپ، بینومو، کیپیٹل کور، آئی کیو آپشن، پاکیٹ آپشن، ڈیرائیو، آئی کیو سینٹ، بیناریم، کالشی، انسٹافوریکس، اولمپ ٹریڈ، ایوو ٹریڈ، بائنری میٹ، بائنری سینٹ، کرونیکا، اوکٹا ایف ایکس، فوکس آپشن، کوٹیکس، فرسٹ بائنری آپشن اور کلوز آپشن شامل ہیں۔