گلیشیر پگھلنے اوربارشوں کے باعث پنجاب کے دریائوں میں پانی کے بہا ئومیں اضافہ ہو رہا ہے، پی ڈی ایم اے

بدھ 20 اگست 2025 17:30

لاہور (اُردو پوائنٹ اخبارتازہ ترین - اے پی پی۔ 20 اگست2025ء) گلیشیر پگھلنے اور مون سون بارشوں کے باعث پنجاب کے دریاں میں پانی کے بہا میں اضافہ ہو رہا ہے۔ ترجمان پی ڈی ایم اے کے مطابق دریائے سندھ میں چشمہ اور تونسہ بیراج پر درمیانے درجے جبکہ تربیلا، کالا باغ اور سکھر بیراج پر نچلے درجے کا سیلاب ہے۔دریائے کابل میں نوشہرہ اور ملحقہ نالوں میں بہا معمول کے مطابق ہے۔

دریائے ستلج میں گنڈا سنگھ والا اور بیڈ سلیمانکی کے مقامات پر نچلے درجے کا سیلاب ہے۔دریائے جہلم کے اہم مقامات اور ملحقہ نالوں میں بہا معمول کے مطابق ہے۔دریائے چناب کے اہم مقامات پر بہا معمول کے مطابق ہے جبکہ ملحقہ نالے ایک اور پلکھو میں نچلے درجے کا سیلاب ہے۔دریائے راوی کے اہم مقامات پر بہا معمول کے مطابق ہے جبکہ نالہ بسنتر میں نچلے درجے کا سیلاب ہے۔

(جاری ہے)

ڈیرہ غازی خان ڈویژن کے پہاڑی برساتی نالوں میں کوئی بہا نہیں ہے۔ترجمان کے مطابق تربیلا ڈیم 99 فیصد اور منگلا ڈیم 74 فیصد بھر چکا ہے۔ تربیلا ڈیم کا لیول 1549.00 فٹ اور منگلا ڈیم کا 1216.55 فٹ ہے۔راول ڈیم کا لیول 1749.40 فٹ اور خانپور ڈیم کا لیول 1978.10 فٹ ہے۔ڈی جی پی ڈی ایم اے عرفان علی کاٹھیا نے کہا ہے کہ موسم برسات میں عوام سے اپیل ہے کہ احتیاطی تدابیر اختیار کریں ۔

دریاں کے پاٹ میں موجود شہری فوری محفوظ مقامات پر منتقل ہو جائیں ۔ہنگامی انخلا کی صورت میں انتظامیہ سے تعاون کریں ۔دریاں نہروں ندی نالوں اور تالابوں میں ہر گز مت نہائیں ۔سیلابی صورتحال میں دریاں کے اطراف سیر و تفریح سے گریز کریں ۔بچوں کو دریاں ندی نالوں کے قریب ہرگز مت جانے دیں۔ڈی جی پی ڈی ایم نے مزید کہا کہ ایمرجنسی کی صورتحال میں پی ڈی ایم اے کی ہیلپ لائن 1129 پر رابطہ کریں۔شہریوں کی جان و مال کا تحفظ پی ڈی ایم اے پنجاب زمہ داری ہے ۔