پاک فوج سے اظہاریکجہتی، معرکہ حق پاکستان ایم ایم اے مقابلے 24 اگست کو ہوں گے

جمعرات 21 اگست 2025 20:59

لاہور(اُردو پوائنٹ اخبارتازہ ترین - آن لائن۔ 21 اگست2025ء)پاک فوج کے ساتھ اظہارِ یکجہتی کے لیے لاہور میں 24 اگست کو معرکہ حق پاکستان مسکڈ مارشل آرٹس مقابلے ہوں گے۔ڈی ایچ اے اسپورٹس کمپلیکس میں شیڈول مقابلوں میں پاکستانی فائٹرز ازبکستان، آذربائیجان، ایران، مصر اور مراکش کے فائٹرز کے خلاف مدمقابل ہوں گے۔

(جاری ہے)

اوپن ایم ایم اے چیمپئن شپ میں ایمیچیور فائٹرز حصہ لیں گے، جن میں لڑکے اور لڑکیاں مختلف ویٹ کیٹیگریز کی چھ ٹیموں میں ایکشن میں نظر آئیں گے۔

ایونٹ کے فاتح فائٹرز کو ورلڈ ایم ایم اے چیمپئن شپ، جارجیا میں پاکستان کی نمائندگی کا موقع ملے گا۔فیڈریشن کے صدر عمر احمد کا کہنا ہے کہ پنجاب حکومت نے ایونٹ کے انعقاد میں بھرپور مدد فراہم کی ہے جو وزیرِ اعلیٰ پنجاب مریم نواز کے اس وژن کا حصہ ہے کہ پاکستان میں انٹرنیشنل معیار کے کھیلوں کو فروغ دیا جائے۔