صوبائی وزیر خواجہ عمران نذیر سے ورلڈ بینک کے نمائندوں کی ملاقات

فیملی ہیلتھ کئیر، خاندانی منصوبہ بندی، کنٹری پارٹنرشپ فریم ورک پر تبادلہ خیال

جمعرات 21 اگست 2025 20:30

لاہور (اُردو پوائنٹ اخبارتازہ ترین - این این آئی۔ 21 اگست2025ء) صوبائی وزیر صحت و آبادی خواجہ عمران نذیر سے ورلڈ بینک کے نمائندوں نے ملاقات کی جس میں فیملی ہیلتھ کئیر، خاندانی منصوبہ بندی، کنٹری پارٹنرشپ فریم ورک پر تبادلہ خیال کیا گیا۔ ملاقات میں نیشنل ہیلتھ سپورٹ پروگرام ہیومن کیپیٹل انوسٹمنٹ پراجیکٹ کی کارکردگی اور امور پر گفتگو کی گئی۔

ورلڈ بنک کے نمائندوںنے پنجاب گورنمنٹ کی ہیلتھ ریفارمز کی تعریف کی۔

(جاری ہے)

وزیر صحت و آبادی خواجہ عمران نذیر نے کہا کہ ورلڈ بنک کے تعاون سے پنجاب میں صحت کے شعبے کو مذید بہتر بنانے کی حکمت عملی مستحکم ہوگی، ورلڈ بینک کے ساتھ شراکت معیاری، آسان، اور مو ثر طبی سہولیات کی فراہمی کو یقینی بنانے میں معاون ثابت ہو گی۔انہوںنے کہا کہ حکومت پنجاب پبلک پرائیویٹ پارٹنر شپ کی مدد سے صحت کی سہولیات کے معیار میں بہتری لا رہی ہے اوروزیر اعلی پنجاب مریم نواز شریف ہیلتھ سروسز کے نظام کو مزید مستحکم دیکھنا چاہتی ہیں، بچوں میں غذائی قلت کم کرنا اور ماں کی صحت میں بہتری حکومت کی اولین ترجیحات میں شامل ہے۔

صوبائی وزیر صحت نے کہا کہ پنجاب کے شعبہ صحت میں ایک روشن مثال بننے میں آپ کا تعاون، تکنیکی اور مالی سپورٹ جامع منصوبہ بندی میں کلیدی کردار ادا کرے گی۔