لاہور سمیت صوبہ بھر میں پنجاب پولیس جرائم پیشہ و ملک دشمن عناصر کی سرکوبی کیلئے سرگرم عمل ہے،ترجمان پنجاب پولیس

جمعرات 21 اگست 2025 21:40

لاہور (اُردو پوائنٹ اخبارتازہ ترین - اے پی پی۔ 21 اگست2025ء) وزیر اعلی پنجاب مریم نواز کے محفوظ پنجاب ویژن کی تکمیل میں لاہور سمیت صوبہ بھر میں پنجاب پولیس جرائم پیشہ و ملک دشمن عناصر کی سرکوبی کیلئے سرگرم عمل ہے۔ ترجمان پنجاب پولیس نے تفصیلات سے آگاہ کرتے ہوئے بتایا کہ پنجاب پولیس کی قتل، اغوا برائے تاوان، زیادتی اور ڈکیتی سمیت دیگر سنگین جرائم میں ملوث گینگز کے خلاف کارروائیاں بلا تعطل جاری ہیں۔

(جاری ہے)

رواں سال کے دوران پنجاب پولیس نے 3878گینگز کے 9 ہزار 688 خطرناک مجرمان کو گرفتار کر کے ان کے قبضہ سے 2ارب 35کروڑ روپے سے زائد مالیت کا مال مسروقہ برآمد کیا۔ مال مسروقہ میں گاڑیاں، موٹر سائیکلیں، موبائل فونز، سونا، مویشی اور نقدی شامل ہیں۔ مجرمان کے قبضہ سے 1261کلاشنکوف، 2191رائفلز، 26338پسٹلز،2331 بندوقیں، 353 ریوالور اور 1 لاکھ 92 ہزار سے زائد گولیاں بھی برآمد کی گئیں۔

صوبائی دارالحکومت لاہور میں 1911 گینگز کے 4353 مجرمان گرفتار کیے گئے۔آئی جی پنجاب ڈاکٹر عثمان انورنے افسران کو جرائم پیشہ افراد کے خلاف آپریشنز جاری رکھنے کی ہدایت کی۔ انھوں نے کہا کہ وزیر اعلی پنجاب مریم نواز کے ویژن کے تحت پنجاب کو کرائم فری صوبہ بنانے کیلئے خطرناک مجرمان کیخلاف کاروائیاں جاری رکھی جائیں۔