بھارت کے غیر قانونی زیر تسلط جموں و کشمیرمیں سی آر پی ایف اہلکاروں کی مزید تین بٹالینز تعینات

جمعہ 22 اگست 2025 11:44

نئی دلی (اُردو پوائنٹ اخبارتازہ ترین - اے پی پی۔ 22 اگست2025ء) بھارت کے غیر قانونی زیر تسلط جموں و کشمیر میں کشمیریوں کی حق پر مبنی تحریک آزادی کو دبانے اور ان پر کئے جانے والے مظالم کاسلسلہ مزید تیز کرنے کے لئے بھارتی حکومت نے سینٹرل ریزرو پولیس فورس کی تین بٹالین مقبوضہ علاقے میں تعینات کرنے کا حکم دیا ہے۔

(جاری ہے)

کشمیر میڈیا سروس کے مطابق سی آر پی ایف اہلکاروں کی ان بٹالینز کو ادھم پور اور کٹھوعہ اضلاع میں تعینات بھارتی فوج کی راشٹریہ رائفلزبٹالینز کی جگہ تعینات کیاجائے گا۔

دونوں اضلاع میں سی آر پی ایف اہلکاروں کی تعیناتی کاعمل مکمل ہونے کے بعد وادی کشمیر سمیت دیگر علاقوں میں بھی پیراملٹری سینٹرل ریزروپولیس فورس کوتعینات کیاجائے گا۔سی آر پی ایف کو جدید ہتھیاروں، مواصلاتی آلات اور بکتر بند گاڑیاں بھی فراہم کی جا رہی ہیں۔