مذہبی تعصب کی بنا پرظلم سہنے والوں کے ساتھ کھڑے ہیں، وزیراعلی پنجاب مریم نوازشریف

جمعہ 22 اگست 2025 14:36

لاہور (اُردو پوائنٹ اخبارتازہ ترین - اے پی پی۔ 22 اگست2025ء) وزیراعلی پنجاب مریم نواز شریف نے کہا ہے کہ مذہبی تعصب کی بنا پرظلم سہنے والے مظلوموں کے ساتھ ہیں، دین اسلام محبت امن اور رواداری کا درس دیتا ہے، ہر سطح پر مذہبی رواداری اور باہمی احترام کافروغ ہمارا عزم ہے۔جمعہ کو عقیدے اور مذہب کی بنیاد پر تشدد اور نفرت کا نشانہ بننے والے افراد کے عالمی دن کے موقع پر جاری اپنے ایک پیغام میں انہوں نے کہا کہ ہماری ہمدردی مذہب تعصب کی بنا پرظلم سہنے والے مظلوموں کے ساتھ ہے ،اسلاموفوبیا دنیا بھر میں ایک کڑوی اور تلخ حقیقت ہے،مساجد پر حملے،حجاب پہننے والی خواتین پر پابندیاں اور مسلمانوں کو دہشتگردی سے جوڑنے کی روش انسانیت کیلئے نشان ہے۔

وزیر اعلی پنجاب نے کہا کہ فلسطین کی زمین خونِ شہدا سے سرخ ہے،معصوم بچوں کی آہیں گولیوں کی گھن گرج میں دفن ہو رہی ہیں،کشمیر کی وادیاں آج بھی صدیوں پرانے دکھوں سے لہو لہان ہیں،کشمیر اور غزہ انسانیت کے ضمیر پر سوال ہیں جن کا جواب عالمی برادری ابھی تک دینے سے قاصر ہے۔

(جاری ہے)

انہوں نے مزید کہا کہ ہمیشہ ہر اس مظلوم کے ساتھ کھڑے ہیں جو مذہبی بنیادوں پر ظلم وزیادتی کا شکار ہورہے ہیں،دین اسلام محبت امن اور رواداری کا درس دیتا ہے،ہر مظلوم کے ساتھ ہیں اور رہیں گے ، ہر سطح پر مذہبی رواداری اور باہمی احترام کافروغ ہمارا عزم ہے ۔\932