پنجاب یونیورسٹی کالج آف آرٹ اینڈ ڈیزائن میں جشن آزادی کے سلسلے میں نمائش کا افتتاح

جمعہ 22 اگست 2025 22:30

لاہور (اُردو پوائنٹ اخبارتازہ ترین - این این آئی۔ 22 اگست2025ء)پنجاب یونیورسٹی کالج آف آرٹ اینڈ ڈیزائن کے زیر اہتمام خیال آرٹ سپیس کے اشتراک سے پاکستان کے جشن آزادی کے سلسلے میں’آزادی کے چودہ تخیل‘ کے عنوان پر خصوصی نمائش کا انعقاد کیا گیا ۔ افتتاحی تقریب میں وائس چانسلرپروفیسرڈاکٹر محمدعلی،پرنسپل کالج آف آرٹ اینڈ ڈیزائن ڈاکٹر ثمینہ نسیم، فیکلٹی ممبران اورطلبائوطالبات نے شرکت کی۔

(جاری ہے)

اس موقع پرپنجاب یونیورسٹی کالج آف آرٹ اینڈ ڈیزائن کے 14 اساتذہ اور ایلومینائی کے فن پارے پیش کئے گئے۔ فن پاروں میں پاکستان کی آزادی و ثقافت کے مختلف خدوخال کو اجاگر کیا گیا۔ اپنے خطاب میں وائس چانسلر پروفیسر ڈاکٹر محمد علی نے کہا کہ پاکستان کی آزادی و ثقافت پر مبنی فنکاروں کے فن پارے لازوال ہیں۔ انہوں نے کہا کہ فن پاروں میں ہمارے ہیروز کو خراج تحسین پیش کیا گیا ہے ۔ انہو ں نے کہا کہ فن پاروں میں پاکستان کی تاریخ اور آزادی کی رنگارنگ عکاسی کی گئی۔ انہوں نے کہا کہ قومی یکجہتی کو فروغ دینا ہماری بنیادی ذمہ داری ہے۔