کراچی میں بھارتی خفیہ ایجنسی را کا نیٹ ورک پکڑا گیا

18 مئی کو بدین ماتلی میں ایک سماجی شخصیت کا قتل ہوا تھا جس میں را ملوث تھی،ایڈیشنل آئی جی سی ٹی ڈی سندھ آزاد خان

ہفتہ 23 اگست 2025 18:08

کراچی (اُردو پوائنٹ اخبارتازہ ترین - این این آئی۔ 23 اگست2025ء)کراچی میں بھارتی خفیہ ایجنسی را کا نیٹ ورک پکڑا گیا۔ایڈیشنل آئی جی سی ٹی ڈی سندھ آزاد خان نے پریس کانفرنس میں بتایا کہ 18 مئی کو بدین ماتلی میں ایک سماجی شخصیت کا قتل ہوا تھا جس میں را ملوث تھی۔انہوں نے کہا کہ یہ واردات 9 اور 10 مئی کے تنازع کے دوران کی گئی، عمیر اصغر، سجاد اور شکیل گرفتار ہوئے۔

(جاری ہے)

ان کا کہنا تھا کہ خلیجی ممالک میں سنجے کمار عرف فوجی نے خطیر رقم شیخوپورہ کے سلمان کو بھیجی، سلمان نے دیگر ملزمان کے ساتھ حیدر آباد میں ملاقات کی، اس کے بعد تین ملزمان ماتلی گئے جہاں واردات کی۔ایڈیشنل آئی جی سی ٹی ڈی سندھ آزاد خان نے کہا کہ واردات کے بعد سلمان کراچی ائیر پورٹ سے نیپال فرار ہوا، طلحہ اور عمیر کو 22 اگست کو گرفتار کیا، ملزمان کو گرفتار کرکے اسلحہ، موبائل فون آمد کیے۔انہوںنے کہا کہ را نے ایک علیحدگی پسند تنظیم کو بھی استعمال کیا، را پہلے بھی دہشتگردی کی وارداتیں کروا چکی ہے۔