پاکستان پیپلز پارٹی اور مسلم لیگ ن کے درمیان ضمنی الیکشن کا فارمولا طے پاگیا

ضمنی انتخابات ملکر لڑیں گے جس حلقے میں جس جماعت کا رنر اپ تھا وہاں دوسری جماعت حمایت کرے گی

ہفتہ 23 اگست 2025 20:50

اسلام آباد (اُردو پوائنٹ اخبارتازہ ترین - این این آئی۔ 23 اگست2025ء)پاکستان پیپلز پارٹی اور مسلم لیگ ن کے درمیان ضمنی الیکشن کا فارمولا طے پاگیا،دونوں جماعتوں کے درمیان یہ طے ہوا ہے کہ ضمنی انتخابات ملکر لڑیں گے جس حلقے میں جس جماعت کا رنر اپ تھا وہاں دوسری جماعت حمایت کرے گی۔اس فیصلے کا اعلان پاکستان پیپلز پارٹی اور مسلم۔

(جاری ہے)

لیگ ن کے قائدین سیکرٹری جنرل پی پی پی پی سیدنیئر حسین بخاری،وفاقی وزیر ریلوے حنیف عباسی اورطارق فضل چوہدری نے سابق وزیر اعظم اور پاکستان پیپلز پارٹی وسطی پنجاب کے صدر راجہ پرویز اشرف کیساتھ ان کی رہائشگاہ پر مشترکہ پریس کانفرنس سے خطاب کرتے ہوئے کیا۔

دونوں جماعتوں کے قائدین نے کہا کہ آملاقات دونوں جماعتوں کے قائدین کی ہدایت پر ہوئی ہے جس میں ضمنی انتخابات کے حوالے سے بات چیت کی گئی۔راجہ پرویز اشرف نے کہا کہ دونوں اتحادی جماعتوں کے درمیان فارمولا طے پاگیا یی,ہم ن لیگ کی اور ن لیگ ہماری حمایت کرے گی۔