Live Updates

برطانیہ ترقی کے سفر میں پاکستان کا اہم شراکت دار ہے، وزیر اخلہ

باہمی مفاد کے تمام شعبوں میں برطانیہ کے ساتھ دوطرفہ تعاون کو فروغ دینا چاہتے ہیں، محسن نقوی کی برطانوی ہائی کمشنر سے گفتگو

جمعرات 28 اگست 2025 16:17

اسلام آباد (اُردو پوائنٹ اخبارتازہ ترین - این این آئی۔ 28 اگست2025ء)وفاقی وزیر داخلہ محسن نقوی نے کہا ہے کہ برطانیہ ترقی کے سفر میں پاکستان کا اہم شراکت دار ہے، باہمی مفاد کے تمام شعبوں میں برطانیہ کے ساتھ دوطرفہ تعاون کو فروغ دینا چاہتے ہیں۔وزیر داخلہ محسن نقوی سے برطانوی ہائی کمشنر جین میریٹ نے ملاقات کی جس میں پاک برطانیہ تعلقات اور مختلف شعبوں میں دوطرفہ تعاون بڑھانے پر تبادلہ خیال کیا گیا، انسداد دہشت گردی، انسداد منشیات، بارڈر سکیورٹی اور انسانی سمگلنگ کے حوالے سے اشتراک کار بڑھانے پر بات چیت ہوئی۔

(جاری ہے)

برطانوی ہائی کمشنر جین میریٹ نے نشان امتیاز ملنے پر وزیر داخلہ محسن نقوی کو مبارکباد دی اور نیک تمناؤں کا اظہار کیا۔انہوں نے پاکستان میں سیلاب اور بارشوں سے قیمتی انسانی جانوں کے ضیاع پر اظہار افسوس کیا، جبکہ جاں بحق افراد کے خاندانوں سے دلی ہمدردی اور تعزیت کا اظہار کیا۔وفاقی وزیر داخلہ محسن نقوی نے کہا کہ پاکستان ہمیشہ سے امن کا داعی رہا ہے، دہشت گردی کی ہر شکل کی پر زور مذمت کرتے ہیں، برطانیہ ترقی کے سفر میں پاکستان کا اہم شراکت دار ہے، باہمی مفاد کے تمام شعبوں میں برطانیہ کے ساتھ دوطرفہ تعاون کو فروغ دینا چاہتے ہیں۔