نادرا ٹیکنالوجیز اور انفوکام ٹیکنالوجیز مل کر مختلف شعبوں میں پاکستانی مصنوعات کی مارکیٹنگ کریں گے

جمعرات 28 اگست 2025 23:26

اسلام آباد (اُردو پوائنٹ اخبارتازہ ترین - این این آئی۔ 28 اگست2025ء)نادرا ٹیکنالوجیز لمیٹڈ (این ٹی ایل) اور انفوکام ٹیکنالوجیز (آئی سی ٹی) نے ایک سٹریٹجک معاہدے پر دستخط کئے ہیں جس کے تحت پاکستان کی ڈیجیٹل مصنوعات کو بین الاقوامی مارکیٹوں میں فروغ دیا جائے گا اور ڈیجیٹل شناخت، بائیومیٹرک، آرٹیفشل انٹیلی جنس اور فن ٹیک کی خدمات پاکستان میں نجی اور سرکاری اداروں کو بھی پیش کی جائیں گی۔

(جاری ہے)

این ٹی ایل کا شمار پاکستان میں ٹیکنالوجی کے صف اول کے اداروں میں ہوتا ہے جبکہ آئی سی ٹی بین الاقوامی سطح پر موجود ہے اور سسٹم انٹیگریشن کے شعبے میں قابل ذکر صلاحیتوں کا حامل ہے۔ اس معاہدے کی بدولت دونوں ادارے مل کر عالمی مارکیٹ کے مختلف شعبوں میں پاکستان کی ڈیجیٹل مصنوعات کو فروغ دینے کے لئے کام کریں گے۔ اس اشتراک کے تحت مختلف ممالک کی حکومتوں اور اداروں کو خدمات کی فراہمی کے نظاموں کو جدید خطوط پر استوار کرنے اور ڈیجیٹل شمولیت بہتربنانے میں مدد دی جائے گی۔