Live Updates

لاہور ڈویژن میں سیلاب سے متاثرہ علاقوں کے کالجز میں چھٹیاں

جمعرات 28 اگست 2025 19:41

لاہور (اُردو پوائنٹ اخبارتازہ ترین - این این آئی۔ 28 اگست2025ء) لاہور ڈویژن میں سیلاب سے متاثرہ علاقوں میں کالجز میں چھٹیاں دے دی گئیں، ڈائریکٹر کالجز نے سولہ کالجز بند کرنے کا اعلان کردیا ۔

(جاری ہے)

تفصیلات کے مطابق ڈائریکٹر کالجز نے 29اور 30اگست کو متاثرہ علاقوں کے 16کالجز کو بند کرنے کا اعلان کر دیا ہے ، مراسلے میں کہا گیاہے کہ شاہدرہ، چوہنگ، بند روڈ ، شرقپورشریف، فیروزوالہ، خانقہ ڈوگراں اور نارنگ منڈی کے کالجز بند رہیں گے۔اس کے علاوہ ننکانہ صاحب کے علاقے منڈی فیض آباد اور سید والا کے کالجز میں 2 روز چھٹی کا اعلان کر دیا گیاہے ، قصور کے علاقے کنگن پور میں بھی کالجز بند رہیں گے ، تمام کالجز کی بجلی بھی فوری بند کردی جائے۔