بھارت کے پراکسی وار کے سامنے کھبی نہیں جھکیں گے بلکہ اسکا مردانہ وار اور جرات کے ساتھ مقابلہ کرینگے،سردار یعقوب ناصر

جمعرات 28 اگست 2025 19:50

لورالائی(اُردو پوائنٹ اخبارتازہ ترین - این این آئی۔ 28 اگست2025ء)مسلم لیگ( ن) کے مرکزی نائب صدر رکن قومی اسمبلی سردار محمد یعقوب خان ناصر نے کہا ہے کہ ملک و صوبے میں ملک دشمن عناصر پر زمین تنگ کر دینگے بھارت کے اشارے پر بے گناہ پاکستانیوں کے قتل کا لائسنس کسی صورت کسی کو نہیں دے سکتے نجی فورس اور ملیشیاء رکھنے کی کسی سیاسی جماعت اور گروہ کو اجازت نہیں ہے یہ حق صرف ریاست کو حاصل ہے۔

انہوں نے کہا کہ حقوق کی بات ٹھیک اور آئینی و قانونی حق ہے لیکن تشدد کا حق کسی صورت ریاست کسی کو نہیں دے سکتی بلوچستان اور کے پی کے میں حالات کو جان بوجھ کر خراب کرنے والے عناصر سے افواج پاکسا ن آہنی ہاتھوں سے نمٹ رہی ہے ۔ انہوں نے کہا کہ حکومت بلوچستان اور قانون نافذ کرنے والے ادارے فوری طور پرمسافروں ٹرانسپورٹ سروس اور مالکان کے جان و مال کے تحفظ کو یقینی بنائیں۔

(جاری ہے)

انہوں نے کہا کہ بھارت کے پراکسی وار کے سامنے کھبی نہیں جھکیں گے بلکہ اسکا مردانہ وار اور جرات کے ساتھ مقابلہ کرینگے واقعہ میں ملوث نہ انسان نہ پاکستانی اور نہ ہی کسی قوم سے تعلق رکھتے ہیں بلکہ یہ کرایہ دار اور بھارتی ایجنٹ ہیں انکے ساتھ سختی کے ساتھ حکومت کو نمٹنا ہوگا انہوں نے کہا کہ جہاں پر دہشت گردی کم اور نہ ہونے کے برابر ہے وہاں پر عوامی مشکلات کو مدنظر رکھتے ہوئے نیٹ سروس بحال کی جائے۔