Live Updates

سیلاب،پنجاب کے نجی ہسپتالوں کیلئے ہیلتھ ایمرجنسی الرٹ جاری

جمعرات 28 اگست 2025 21:40

لاہور (اُردو پوائنٹ اخبارتازہ ترین - این این آئی۔ 28 اگست2025ء)پنجاب میں سیلاب کی صورتِ حال کے پیش نظر پنجاب ہیلتھ کیئر کمیشن نے نجی ہسپتالوں کیلئے ہیلتھ ایمرجنسی الرٹ جاری کر دیا۔پنجاب ہیلتھ کیئر کمیشن کے مراسلے کے مطابق سیلاب متاثرین کے علاج، معالجے اور طبی سہولتوں کیلئے فوری اقدامات کیے جائیں۔

(جاری ہے)

مراسلے میں نجی ہسپتالوں کو ہدایت کی گئی ہے کہ کل بستروں کی گنجائش کا 35 فیصد سیلاب متاثرین کیلئے مختص کیا جائے۔

پی ایچ سی سی کے مراسلے میں ہدایت کی گئی ہے کہ ایمرجنسی وارڈز، آئی سی یوز اور ایچ ڈی یوز کو مکمل فعال رکھیں۔مراسلے میں پنجاب ہیلتھ کیئر کمیشن نے ہدایت کی ہے کہ ضروری ادویات، ویکسینز، میڈیکل ڈیوائسز اور بجلی کے متبادل انتظامات یقینی بنائیں۔پنجاب ہیلتھ کیئر کمیشن نے مراسلے میں یہ بھی کہا ے کہ ہدایات پر عمل نہ کرنے پر نجی اسپتالوں کے خلاف کارروائی کی جائے گی۔