دو ریاستی حل ہی خطے میں امن کا واحد راستہ ہے، سعودی وزیر خارجہ

جمعہ 29 اگست 2025 08:30

روم (اُردو پوائنٹ اخبارتازہ ترین - اے پی پی۔ 29 اگست2025ء) سعودی وزیر خارجہ شہزدہ فیصل بن فرحان نے مغربی کنارے میں اسرائیل کے مسلسل حملوں کی شدید مذمت کرتے ہو ئے کہا ہے کہ دو ریاستی حل ہی خطے میں امن کا واحد راستہ ہے۔عرب نیوز کے مطابق روم میں پریسں بریفنگ میں ان کا کہنا تھا’ ہم غزہ میں فوری جنگ روکنے کی اہمیت کے حوالے سے اٹلی کے موقف سے متفق ہیں۔

(جاری ہے)

انہوں نے اسرائیلی فورسز کی جانب سے علاقے میں جانے والی حالیہ کارروائیوں کا حوالہ دیتے ہوئے کہا ہم مغربی کنارے میں اسرائیل کے مسلسل حملوں کی مذمت کرتے ہیں۔ دو ریاستی حل پی خطے میں امن کا واحد راستہ ہے۔سعودی وزیر خارجہ نے یوکرینی بحران کے حوالے سے کہا ’سعودی عرب، فریقین کے درمیان بات چیت کے لیے تمام ضروری سپیس فراہم کرتی رہے گی۔ شہزادہ فیصل بن فرحان نے کہا کہ روس یوکرین بحران کو حل کرنے کی کوششوں کی سپورٹ کرتے ہیں۔یاد رہے شہزادہ فیصل بن فرحان کا اٹلی کا سرکاری دورہ، اطالوی وزیراعظم میلونی کے دورہ سعودی عرب کے آٹھ ماہ بعد ہو رہا ہے۔ اس دورے میں دونوں ملکوں نے اقتصادی تعاون کو فروغ دینے کے حوالے سے دس ارب ڈالر کے معاہدوں پر دستخط کیے تھے۔