مراکش کشتی حادثہ، شہریوں پر بیرون ملک تشدد اور یرغمال بنانیوالے 4 ملزمان گرفتار

جمعہ 29 اگست 2025 19:40

گوجرانوالہ (اُردو پوائنٹ اخبارتازہ ترین - این این آئی۔ 29 اگست2025ء)یف آئی اے نے مراکش کشتی حادثہ اور شہریوں کو بیرون ملک تشدد اور یرغمال بنانے میں ملوث 4 ملزمان گرفتار کرلئے۔ تفصیلات کے مطابق ایف آئی اے گوجرانوالہ زون نے بڑی کاروائی کرتے ہوئے مراکش کشتی حادثہ اور شہریوں کو بیرون ملک تشدد اور یرغمال بنانے میں ملوث 3انسانی ٹریفکرز سمیت 4ملزمان کو گرفتار کرلئے۔

ایف آئی اے کے مطابق گرفتار ملزمان میں عمر حیات، محمد سفیان، محمد نعمان اور محمد عثمان شامل ہیں، ملزمان کو حافظ آباد اور گجرات کے مختلف علاقوں سے گرفتار کیا گیا، ملزمان شہریوں کو بیرون ملک ملازمت کا جھانسہ دے کر کروڑوں روپے بٹورنے میں ملوث پائے گئے ہیں۔ترجمان کے مطابق گرفتار ملزم عمر حیات مراکش کشتی حادثے میں ملوث ہے ملزم نے علی حسن نامی شہری کو فرانس ملازمت کے نام پر 80لاکھ روپے بٹورے، ملزم نے شہری کو سمندر کے راستے یورپ بھجوانے کی کوشش کی جو حادثے کا شکار ہوگئی کشتی حادثے میں شہری لاپتہ ہو گیا تھا۔

(جاری ہے)

ایف آئی اے کے مطابق گرفتار ملزم محمد سفیان اور محمد نعمان نے شہری کو کینیڈا ملازمت کا جھانسہ دے کر 87لاکھ 50ہزار روپے ہتھیائے، ملزم نے متاثرہ شہری کو کینیڈا کے بجائے انڈونیشیا بھیجوا دیا، انڈونیشیا میں ملزمان کے ساتھیوں نے متاثرہ کو یرغمال بنا کر تاوان وصول کیا ملزمان دیگر ساتھیوں کی ملی بھگت سے انڈونیشیا میں شہری پر تشدد کرتے رہے، شہری بھاری رقم ادا کرنے کے بعد پاکستان واپس آگیا۔

ایف آئی اے حکام کے مطابق گرفتار ملزم محمد عثمان نے شہری کو کینیڈا ملازمت کا جھانسہ دے کر 11لاکھ روپے بٹورے ہیں، ملزم بھاری رقوم وصول کرنے کے بعد بھی شہری کو بیرون ملک بھجوانے میں ناکام رہا، ملزم رقوم وصول کر کے روپوش ہو گیا تھا، تمام ملزمان کو گرفتار کر کے تفتیش کا آغاز کر دیا گیا ہے۔