سہ فریقی سیریز: افغان شائقین کا طوفان بدتمیزی، بغیر ٹکٹ سٹیڈیم میں داخل

مرکزی گیٹ کے ساتھ شائقین کیلئے مختص دروازہ توڑ دیا

ذیشان مہتاب ہفتہ 30 اگست 2025 10:40

سہ فریقی سیریز: افغان شائقین کا طوفان بدتمیزی، بغیر ٹکٹ سٹیڈیم میں ..

شارجہ (اردو پوائنٹ تازہ ترین اخبار ۔ 30 اگست 2025ء ) سہ فریقی سیریز کے پہلے میچ کے دوران افغان شائقین بغیرٹکٹ شارجہ سٹیڈیم میں داخل ہوئے اور مرکزی گیٹ کیساتھ شائقین کیلئے مختص دروازہ توڑ دیا۔

تین ملکی سیریز کا پہلا میچ آج پاکستان اور افغانستان کے درمیان شارجہ میں کھیلا گیا۔ پاکستان نے سیریز کے افتتاحی میچ میں افغانستان کو 39 رنز سے ہرا دیا۔

(جاری ہے)

سلمان آغا کی ففٹی کی بدولت پاکستان نے 7 وکٹوں کے نقصان پر 182 رنز بنائے اور جواب میں افغانستان کی ٹیم 143 رنز بنا کر آؤٹ ہو گئی۔

قبل ازیں پاکستان اور افغانستان کے میچ کے دوران شارجہ کرکٹ اسٹیڈیم میں افغان کرکٹ شائقین بغیر ٹکٹ کے داخل ہوئے۔ سٹیڈیم کے مرکزی گیٹ کےساتھ شائقین کےلیے مخصوص دروازہ توڑدیا گیا۔

واضح رہے کہ شارجہ اسٹیڈیم انتظامیہ نے پاک افغان شائقین کے لیے الگ الگ سٹینڈز، پویلینز اور راستے مختص کیے تھے۔