Live Updates

سیلاب کے پیش نظر پنجاب کے 9 اضلاع میں پولیو مہم مؤخر

ہفتہ 30 اگست 2025 16:35

اسلام آباد (اُردو پوائنٹ اخبارتازہ ترین - این این آئی۔ 30 اگست2025ء)سیلابی صورتحال کے پیشِ نظر پنجاب کے 9 اضلاع میں پولیو مہم مؤخر کردی گئی، ملک کے دیگر حصوں میں پولیو مہم یکم ستمبر سے شروع ہوگی۔نیشنل ایمرجنسی آپریشنز سینٹر ( این ای او سی ) نے بتایا کہ سیلاب کی صورتحال کے پیش نظر پنجاب کے 9 اضلاع لاہور، شیخوپورہ، قصور، اوکاڑہ، گوجرانوالہ، سیالکوٹ، ملتان، مظفرگڑھ اور بہاولپور میں پولیو مہم موخر کردی گئی ہے۔

(جاری ہے)

این ای او سی کے مطابق راولپنڈی، اٹک، میانوالی، فیصل آباد میں پولیو مہم شیڈول کے مطابق ہوگی۔اسی طرح ڈیرہ غازی خان ، راجن پور ور رحیم یار خان میں بھی پولیو مہم شیڈول کے مطابق ہوگی۔این ای او سی کے مطابق ملک کے دیگر حصوں میں پولیو مہم یکم ستمبر سے شروع ہو گی۔این ای او سی کی جانب سے والدین سے اپیل کی گئی ہے کہ مہم کے دوران جب بھی پولیو ٹیم آپ کے دروازے پر آئے ان سے تعاون کریں، اور اپنے 5 سال سے کم عمر بچوں کو پولیو کے قطرے لازمی پلوائیں۔