ہری پور پولیس کی کارروائی میں گھر میں چوری کرنے والا ملزم گرفتار، سرقہ شدہ طلائی زیورات و نقدی برآمد

اتوار 31 اگست 2025 11:40

ایبٹ آباد (اُردو پوائنٹ اخبارتازہ ترین - اے پی پی۔ 31 اگست2025ء) ہری پور پولیس نے ایک کارروائی کے دوران گھر سے چوری کرنے والا ملزم کو گرفتار کر کے سرقہ شدہ طلائی زیورات اور 50 ہزار روپے برآمد کر لئے۔ ہری پور پولیس کے مطابق ڈی پی او فرحان خان کی ہدایت پر جرائم پیشہ عناصر کے خلاف کارروائیوں کا سلسلہ جاری ہے۔تھانہ پنیاں کی حدود محلہ گھڑی میں گزشتہ روز گھر سے چوری کا واقعہ پیش آیا۔

(جاری ہے)

مدعی کی رپورٹ پر ملزم کامران کے خلاف زیر دفعہ 380 تعزیرات پاکستان کے تحت مقدمہ درج رجسٹر کیا گیا۔ ایس ایچ او تھانہ پنیاں خالد خان نے پولیس نفری کے ہمراہ کارروائی کرتے ہوئے وقوعہ میں ملوث ملزم کامران ولد زرین تاج سکنہ بٹگرام حال حطار کو گرفتار کر کے قبضہ سے سرقہ شدہ طلائی زیورات اور 50 ہزار روپے برآمد کر لیے۔ ملزم کے خلاف مقدمہ درج کر کے تفتیش شروع کر دی گئی ہے۔