خیبرپختونخوابیڈمنٹن ایسوسی ایشن کے انتخابات مکمل

سجادمہمند بلامقابلہ چیئرمین،بلال خان صدر میاں صداقت شاہ آئندہ چارسال کیلئے سیکرٹری جنرل منتخب

اتوار 31 اگست 2025 17:50

پشاور(اُردو پوائنٹ اخبارتازہ ترین - این این آئی۔ 31 اگست2025ء)خیبرپختونخوابیڈمنٹن ایسوسی ایشن کے انتخابات مکمل،سجادمہمند بلامقابلہ چیئرمین،بلال خان صدرجبکہ میاں صداقت شاہ آئندہ چارسال کے لیے سیکرٹری جنرل منتخب ہوگئے۔انتخابات قیوم سپورٹس کمپلیکس پشاورکے کانفرنس روم میں منعقدہوئے۔جس میں پورے صوبے سے 26 اضلاع کے نمائندوں نے شرکت کی ،جس کی صدارات پاکستان بیڈمنٹن فیڈریشن الیکشن کمٹی کے صدرراجہ اظہرمحمود نے کی جبکہ اس موقع پرسیکرٹری اعجاز احمدرانا اوردیگرممبران بھی موجودتھے۔

الیکشن میںپاکستان بیڈمنٹن فیڈریشن کی طرف سے پرویز بٹ،مجاہد خیبرپختونخوا ولمپک ایسوسی ایشن کی طر ف سے الیاس آفریدی ، ڈائریکٹریٹ آف سپورٹس کی طرف سے ندیم خان اور عامر اقبال نے بطور ابزرور شرکت کی ، الیکشن میں چونکہ ایک گروپ قبل ازوقت ڈس کوالیفائی ہوچکاتھا لہذابلال خان گروپ کے تمام امیدواربلامقابلہ فاتح قراردیئے گئے منتخب اراکین میں نجم الرحمن سنیئرنائب صدر،،محمدمسعود ڈپٹی سیکرٹری جنرل،یحی خان خزانچی منتخب ہوئے۔

(جاری ہے)

نومنتخب چیئرمین سجاد مہمند نے اپنی کامیابی کے بعد میڈیاسے بات چیت کرتے ہوئے کہاکہ اب ہم بیڈمنٹن مقابلوں کاجال پورے صوبے میں بچھائیں گے صوبے بھر کے ٹیلنٹ کویکساں مواقعے فراہم کریں گی جبکہ بیڈمنٹن کھیل اورکھلاڑیوں کی تمام تر مشکلات کوبہت جلدختم ردے گے۔نومنتخب صدر بلال خان اور سیکرٹری میاں صداقت شاہ نے کہاکہ بیڈمنٹن میں ہمارے صوبے کی کھلاڑیوں کی فتوحات مثالی ہے اورہم اپنے بچوں کومزیدسہولیات فراہم کریں گے تاکہ وہ بین الاقومی سطح پربھی پاکستان کاسبزہلالی پرچم سربلند کریں۔

انہوں نے بتایاکہ پہلی بارایک مضبوط ٹیم کوموقع ملاہے اورہماری کوشش ہوگی کہ ماضی کو پیچھے چھوڑکومحنت لگن اورہمت سے کام کرکے بیڈمنٹن کوبلند مقام پر پہنچائیں اورصوبے کے دیگراضلاع کوبھی وہ مقام دیں جوکہ پشاوراورسوات کودیاجاتارہا۔