سپیکر پنجاب اسمبلی ملک احمد خان ،وزیر مملکت ملک رشید احمد خاں کا ڈسٹرکٹ پبلک سکول میں قائم فلڈ ریلیف کیمپ کا دورہ

قصور(اُردو پوائنٹ اخبارتازہ ترین - این این آئی۔ 31 اگست2025ء)سپیکر پنجاب اسمبلی ملک محمد احمد خاں اور وفاقی وزیر مملکت ملک رشید احمد خاں کا ڈسٹرکٹ پبلک سکول میں قائم فلڈ ریلیف کیمپ کا دورہ۔ سپیکر پنجاب اسمبلی اور وفاقی وزیر مملکت نے فلڈ ریلیف کیمپ میں مقیم متاثرینِ سیلاب سے ملاقات کرکے ان کے مسائل سنے اور متعلقہ حکام کو فوری اقدامات کرنے کی ہدایات کیں۔

اس موقع پر ڈپٹی کمشنر عمران علی،ڈی پی او محمد عیسیٰ خاں،سابق سینئروائس چیئرمین ضلع کونسل ملک اعجاز احمد خاں،ممبر پنجاب بار کونسل ملک ریاض احمد خاں، ایڈمنسٹریٹو آفیسر ڈی پی ایس جہانگیر احمد چوپڑا اور دیگر متعلقہ افسران بھی ہمراہ تھے۔اس موقع پر سپیکر پنجاب اسمبلی ملک محمداحمد خاں نے کہا کہ حکومتِ پنجاب متاثرینِ سیلاب کو تنہا نہیں چھوڑے گی ہر ممکن وسائل بروئے کار لائے جا رہے ہیں تاکہ لوگوں کی مشکلات میں کمی لائی جا سکے۔

(جاری ہے)

انہوں نے ضلعی انتظامیہ کو ہدایت کی کہ متاثرہ خاندانوں کو معیاری کھانا، صاف پانی، ادویات اور دیگر بنیادی سہولیات بلا تعطل فراہم کی جائیں۔ رکن قومی اسمبلی /وفاقی وزیر مملکت ملک رشید احمد خاں نے اس موقع پر کہا کہ وزیراعظم پاکستان شہبازشریف کی ہدایت پر حکومت ریلیف سرگرمیوں کو مزید تیز کر رہی ہے۔جانوروں کے لیے چارہ اور ویٹرنری سہولیات کی فراہمی بھی حکومت کی اولین ترجیح ہے تاکہ کسانوں اور مویشی پالنے والے خاندانوں کے معاشی نقصانات کو کم کیا جا سکے۔

سپیکر پنجاب اسمبلی اور وفاقی وزیر مملکت نے ریلیف کیمپ میں قائم میڈیکل کیمپس، خیموں اور متاثرین کو فراہم کردہ اشیائے خورونوش کا تفصیلی جائزہ لیا۔ متاثرین سے گفتگو کرتے ہوئے انہوں نے یقین دہانی کرائی کہ ہم اس مشکل کی گھڑی میں آپکے شانہ بشان کھڑے ہیںن۔ اس موقع پر انتظامیہ نے بریفنگ دیتے ہوئے بتایا کہ سینکڑو?ںنمتاثرہ خاندانوں کو ریلیف کیمپوں میں پناہ دی گئی ہے اور ریلیف سرگرمیوں کو مزید مو?ثر بنانے کے لیے خصوصی ٹیمیں دن رات کام کر رہی ہیں۔

سپیکر پنجاب اسمبلی ملک محمد احمد خاں اور وفاقی وزیر مملکت ملک رشید احمد خاں نے اس عزم کا اظہار کیا کہ سیلاب زدگان کی بحالی کے عمل کو ہر قیمت پر یقینی بنایا جائے گا اور تمام متاثرین کو محفوظ مقام اور سہولیات کی فراہمی تک اقدامات جاری رہیں گے۔