فیصل آباد میں میرے بھتیجے سمیت 108 لوگوں کو 10،10 سال کی سزا سنائی گئی، شیخ رشید

میرا بھتیجا کبھی فیصل آباد نہیں گیا، اس کیس کا کوئی گواہ نہیں، ہمیں کیس لڑنے کی اجازت نہیں دی جارہی،میڈیا سے گفتگو

بدھ 3 ستمبر 2025 11:40

راولپنڈی(اُردو پوائنٹ اخبارتازہ ترین - این این آئی۔ 03 ستمبر2025ء)سربراہ عوامی مسلم لیگ شیخ رشید نے کہا ہے کہ فیصل آباد میں میرے بھتیجے سمیت 108 لوگوں کو 10، 10 سال کی سزا سنائی گئی۔راولپنڈی میں انسداد دہشتگردی عدالت کے باہر میڈیا سے گفتگو کرتے ہوئے شیخ رشید نے کہا کہ جج صاحب کی آج طبیعت خراب ہے، ہماری حاضری لگ گئی۔

(جاری ہے)

شیخ رشید نے کہا کہ میرا بھتیجا کبھی فیصل آباد نہیں گیا، اس کیس کا کوئی گواہ نہیں، ہمیں کیس لڑنے کی اجازت نہیں دی جارہی، وکیل اور گواہ سرکاری ہیں۔

انہوں نے کہا کہ خدا کے لیے انصاف کو عام کیا جائے، جن غریب ورکرز کو سزائیں دی گئی ہیں ان کے گھروں کے حالات دیکھیں، جن ورکرز کو سزائیں دی گئی ہیں ان کے گھروں میں کھانے کے لیے کچھ بھی نہیں۔شیخ رشید نے کہا کہ انصاف کو عام کیا جائے، عوام کو سہولت دی جائے، اسی سے پاکستان آگے جائے گا۔شیخ رشید نے کہا کہ بھارت کی آبی جارحیت کی وجہ سے پاکستان کا کسان تباہ و برباد ہوگیا، پاکستان کیکسانوں کی حقیقی معنوں میں مدد کی جائے۔