فخر زمان نے T20 انٹرنیشنل میچز کی سنچری مکمل کر لی

ْافغانستان کے خلاف سہ ملکی ٹی ٹوئنٹی سیریز کے چوتھے میچ میں فخر زمان نے یہ اعزاز حاصل کیا

بدھ 3 ستمبر 2025 11:55

جہ (اُردو پوائنٹ اخبارتازہ ترین - این این آئی۔ 03 ستمبر2025ء)پاکستان کرکٹ ٹیم کے جارح مزاج بیٹر فخر زمان نے ٹی ٹوئنٹی انٹرنیشنل میچز کی سنچری مکمل کرلی۔شارجہ کرکٹ اسٹیڈیم میں افغانستان کے خلاف سہ ملکی ٹی ٹوئنٹی سیریز کے چوتھے میچ میں فخر زمان نے یہ اعزاز حاصل کیا۔

(جاری ہے)

فخر نے 2017 میں ویسٹ انڈیز کے خلاف اپنے ٹی ٹوئنٹی کیریئر کا آغاز کیا تھا اور اپنے سنچری میچ میں وہ محض 25 رنز ہی اسکور کرسکے۔وہ پاکستان کی جانب سے 100 ٹی ٹوئنٹی انٹرنیشنل میچز کھیلنے والے چھٹے کھلاڑی ہیں۔اس سے قبل بابر اعظم، محمد حفیظ، شعیب ملک، شاداب خان اور محمد رضوان بھی 100 ٹی ٹوئنٹی انٹرنیشنل میچز کھیل چکے ہیں۔