چوہدری ریاض کی تعیناتی سے نہ صرف پاکستان سکاؤٹس کی تنظیم مزید فعال اور منظم ہو گی،ریاض کوھمروی

بدھ 3 ستمبر 2025 14:20

لندن(اُردو پوائنٹ اخبارتازہ ترین - این این آئی۔ 03 ستمبر2025ء)پاکستان پیپلزپارٹی برطانیہ کے نائب صدر ریاض کوھمروی نے سابق سینئر مشیر حکومت ومرکزی رہنما پاکستان پیپلزپارٹی چوہدری ریاض کو چیف کمشنر پاکستان سکاؤٹس بننے پر دلی مبارکباد پیش کی۔

(جاری ہے)

اس موقع پاکستان پیپلزپارٹی برطانیہ کے نائب صدر ریاض کوھمروی نے کہا کہ یہ اعزاز نہ صرف چوہدری ریاض کی ذاتی کامیابی ہے بلکہ پاکستان پیپلزپارٹی میں سیاسی خدمت کی علامت اور کارکنان کی خدمات کا منہ بولتا اعتراف ہے پارٹی کے ایک تجربہ کار، مخلص اور قومی خدمت کے جذبے سے سرشار رہنما کو یہ اہم ذمہ داری سونپنا احسن اقدام ہے،پاکستان پیپلزپارٹی برطانیہ کے نائب صدر ریاض کوھمروی نے صدرِ مملکت جناب آصف علی زرداری،چیئرمین پاکستان پیپلزپارٹی بلاول بھٹو زرداری اور مرکزی صدر پاکستان پیپلزپارٹی خواتین ونگ محترمہ ادی فریال تالپور کا بھی خصوصی شکریہ ادا کیا کہ جنھوں نے ہمیشہ پارٹی کے مخلص اور نظریاتی کارکنان کو عزت و تکریم سے بھرپور مقام دیا، انہوں نے کہا کہ چوہدری ریاض کی تعیناتی سے نہ صرف پاکستان سکاؤٹس کی تنظیم مزید فعال اور منظم ہو گی بلکہ نوجوانوں کو قومی خدمت اور کردار سازی کی طرف راغب کرنے میں بھی نمایاں کامیابیاں مل سکیں گی،انہوں نے کہا کہ پاکستان پیپلزپارٹی ایک ایسی جماعت ہے جو ہمیشہ نوجوانوں کی صلاحیتیں بروئے کار لانے پر یقین رکھتی ہے اور انہیں ہر میدان میں آگے بڑھنے کے مواقع فراہم کرتی ہے،انہوں نے کہا کہ ہمیں امید ہے کہ چوہدری ریاض اپنی قابلیت اور تجربے کو بروئے کار لاتے ہوئے پاکستان سکاؤٹس کو عالمی سطح پر بھی ایک نمایاں مقام دلائیں گے، ریاض کوھمروی نے کہا کہ وقت نے ایک بار پھر ثابت کیا ہے کہ پاکستان پیپلزپارٹی اپنے رہنماؤں اور کارکنان کی خدمات کو قدر کی نگاہ سے دیکھتی ہے اور یہی اس جماعت کی اصل طاقت اور پہچان ہے۔