کانڑ مہترزئی میری اور میرے ہمراہ صوبائی وزرا کی عزت افزائی اور پرتپاک استقبال پر آپ سب خراج تحسین کے مستحق ہیں،جعفرخان مندوخیل

بدھ 3 ستمبر 2025 23:05

کوئٹہ(اُردو پوائنٹ اخبارتازہ ترین - آن لائن۔ 03 ستمبر2025ء)گورنر بلوچستان جعفرخان مندوخیل نے کہا کہ ہم دورافتادہ اور پسماندہ علاقوں کی ترقی اور تعمیری تبدیلی کیلئے پرعزم ہیں. منتشر آبادی کی وجہ سے دورافتادہ اضلاع کے لوگوں کو تمام سہولیات ان کی دہلیز پر فراہم کرنا ایک بڑا چیلنج ہے۔ ہمیں سہولیات اور مواقعوں کے فقدان کا خوب احساس ہے جن کا آپ سب کو روزانہ سامنا کرنا پڑتا ہی.

ہم اپنی استطاعت کے مطابق صحت کی سہولیات، تعلیم، پانی، سڑک اور بجلی کے حوالے سے درپیش مشکلات ترتیب وار حل کرینگی. کانڑ مہترزئی میری اور میرے ہمراہ صوبائی وزرا کی عزت افزائی اور پرتپاک استقبال پر آپ سب خراج تحسین کے مستحق ہیں. ہم آپ کے احسان مند ہیں. آپ کے تمام مسائل کو ترجیح بنیادوں پر حل کریں گی. ان خیالات کا اظہار انہوں نے کانڑ مہترزئی میں سیاسی رہنماں، قبائلی عمائدین اور عوامی نیشنل پارٹی کے کارکنوں پر مشتمل عوامی جرگہ سے خطاب کرتے ہوئے کیا.

ایک روزہ دورے کے موقع پر گورنر بلوچستان نے گرڈ اسٹیشن کا افتتاح کیا. اس موقع پر اسپیکر صوبائی اسمبلی کیپٹن عبدالخالق اچکزئی ، صوبائی وزرا میر شعیب نوشیروانی، میر عاصم کرد گیلو، نورمحمد دومڑ، رکن صوبائی اسمبلی زرک خان مندوخیل ، ہادیہ نواز، عوامی نیشنل پارٹی کے رہنما ملک آمان اللہ مہترزئی اور سابق رکن صوبائی اسمبلی شاہینہ کاکڑ سمیت عوام کی بڑی تعداد موجود تھی.

شرکا سے خطاب میں گورنر بلوچستان جعفر خان مندوخیل نے کہا کہ شہروں پر دبا کو کم کرنے کیلئے ہمیں تعلیم، صحت اور صاف پانی کے ساتھ ساتھ دیہی علاقوں میں بنیادی ڈھانچہ کو تیار کرنا چاہیے۔

(جاری ہے)

یہ متوازن طرز عمل ہمارے صوبے کی مجموعی ترقی کو یقینی بنائیگا۔ کانڑ مہترزئی میں سڑکوں کی کشادگی، مزید تعلیمی اداروں کے قیام، طبی سہولیات کی فراہمی اور صاف پانی تک رسائی دینے سے متعلق آپ کے مسائل وفاقی اور صوبائی دونوں حکومتوں کے حکام تک پہنچا دونگا.

گورنر مندوخیل نے کہا کہ بدقسمتی سے ہمارے شہر اور دیہات دونوں جدید ترقی اور سہولیات کے لحاظ سے پسماندہ ہیں لیکن دیہی علاقوں کو بنیادی سہولیات اور مواقع کی کمی کی وجہ سے بہت سی مشکلات کا سامنا ہے۔ دیہی ترقی کے منصوبوں میں سرمایہ کاری اور سب کے لیے معیار زندگی کو بہتر بنانا ہماری ترجیحات میں شامل ہیں کیونکہ ہم دیہی ترقی میں شہریوں کی فعال شرکت کی حوصلہ افزائی کرتے ہیں