ایف سی کے پی نارتھ کے زیر اہتمام یوم دفاع و شہداکی مناسبت سے مختلف سکولز میں تقاریب

جمعہ 5 ستمبر 2025 12:33

اسلام آباد (اُردو پوائنٹ اخبارتازہ ترین - اے پی پی۔ 05 ستمبر2025ء) ایف سی کے پی نارتھ کے زیر اہتمام یوم دفاع و شہدا کی مناسبت سے مختلف سکولز میں تقاریب کا انعقادکیا گیا جس میں طالبہ کی خوبصورت پرفارمنس، حب الوطنی اور تخلیقی صلاحیتوں کو سراہا گیا۔یوم دفاع و شہداکی مناسبت سے ایف سی کے پی نارتھ کی جانب سے مختلف سکولز میں تقاریب کا انعقاد کیا گیا ۔

(جاری ہے)

تقاریب میں پاک فوج کے آفیسرز اور جوانوں نے شرکت کر کے بچوں کی حوصلہ افزائی کی ۔بچوں نے پاک فوج کے ساتھ مل کر پرچم کشائی کی اور ملکی سلامتی کے لیے اجتماعی دعائیں کیں ۔ طلبہ نےتقاریر، نغمے اور خوبصورت ٹیبلوز پیش کیے ۔طلبہ کی خوبصورت پرفارمنس، حب الوطنی اور تخلیقی صلاحیتوں کو سراہا گیا ۔ تقریبات کا اختتام نمایاں کار کردگی دکھانے والے طلبہ میں انعامات کی تقسیم اور پاکستان زندہ باد کے فلک شگاف نعروں کے ساتھ ہوا۔