نواب شاہ،تیز رفتار مسافر کوچ الٹ گئی، 5افراد جاں بحق

وزیر اعلیٰ کی کمشنر شہید بے نظیرآباد کو زخمیوں کو فوری امدادی سہولت فراہم کرنے کی ہدایت

اتوار 7 ستمبر 2025 19:35

نواب شاہ(اُردو پوائنٹ اخبارتازہ ترین - این این آئی۔ 07 ستمبر2025ء)قاضی احمد میں قومی شاہراہ سنگرہ موری پر تیز رفتار مسافر کوچ الٹنے سے 5 افراد جاں بحق ہوگئے۔موٹروے پولیس کے مطابق حادثے میں 20 سے زائد مسافر شدید زخمی بھی ہوئے۔حادثے میں جاں بحق اور زخمیوں کو قاضی احمد، نواب شاہ اور شاہ پور جہانیاں کے ہسپتالوں میں منتقل کیا گیا۔

(جاری ہے)

مسافر کوچ ملتان سے کراچی جا رہی تھی، حادثے سے متعلق تحقیقات جاری ہیں۔وزیراعلیٰ سندھ سید مراد علی شاہ نے نواب شاہ میں مسافر کوچ حادثے پر افسوس کا اظہار کرتے ہوئے کمشنر شہید بے نظیرآباد کو زخمیوں کو فوری امدادی سہولت فراہم کرنے کی ہدایت کر دی۔وزیراعلیٰ نے ہدایت کی کہ جاں بحق و زخمی افراد کی فیملی سے مکمل تعاون کیا جائے۔