فرحان سعید نے عروہ حسین کے ساتھ اپنے نئے گانے کا پوسٹر جاری کردیا

منگل 9 ستمبر 2025 21:41

کراچی (اُردو پوائنٹ اخبارتازہ ترین - این این آئی۔ 09 ستمبر2025ء)پاکستان کے مقبول ترین گلوکار اور ہمہ جہت فنکار فرحان سعید ایک بار پھر اپنے مداحوں کو محظوظ کرنے کے لیے تیار ہیں۔ اپنی پُراثر آواز اور یادگار گیتوں کے باعث شہرت پانے والے فرحان اس بار کچھ خاص لے کر آئے ہیں،اپنی اہلیہ اور معروف اداکارہ عروہ حسین کے ساتھ ایک نئی میوزک ویڈیومیں۔

(جاری ہے)

فرحان سعید نے انسٹاگرام پر بغیر کسی پیشگی اطلاع کے اپنے آنے والے گانے ''اندروںکھا جانا'' کا پوسٹر شیئر کیا، جس میں عروہ حسین بھی ان کے ساتھ موجود ہیں۔ پوسٹر کے ساتھ صرف ''COMING SOON'' لکھا گیا، جس نے سوشل میڈیا پر مداحوں کو حیرت میں ڈال دیا اور شوق و تجسس کی لہر دوڑا دی۔''اندروں کھا جانا'' محض ایک نیا گانا نہیں، بلکہ محبت، جادو اور موسیقی کا حسین امتزاج ہے، جو ایک سرپرائز کی صورت میں سامنے آ کر پہلے ہی سوشل میڈیا پر دھوم مچا چکا ہے۔