کراچی کے علاقے جام گوٹھ ملیر کے مقام پر شاہراہ بھٹو سیلاب میں بہہ گئی

شاہراہ بھٹو پر کوئی شگاف نہیں پڑا ہے،شاہراہ بھٹو زیر تعمیر ہے، پانی کو راستہ دینے کے لیے کٹ دیا گیا، پریشانی کی بات نہیں، نادرگبول

بدھ 10 ستمبر 2025 14:52

کراچی(اُردو پوائنٹ اخبارتازہ ترین - این این آئی۔ 10 ستمبر2025ء) کراچی کے علاقے جام گوٹھ ملیر کے مقام پر شاہراہ بھٹو سیلاب میں بہہ گئی۔پانی ملیر ندی کے درمیان تعمیر ہونے والی شاہراہ بھٹو کو کاٹ کر دوسری جانب نکل گیا تاہم ترجمان سندھ حکومت نادر نبیل گبول نے کہا ہے کہ شاہراہ بھٹو پر کوئی شگاف نہیں پڑا ہے، شاہراہ بھٹو زیر تعمیر ہے، پانی کو راستہ دینے کے لیے کٹ دیا گیا، پریشانی کی بات نہیں ہے۔

(جاری ہے)

انہوں نے کہا کہ انٹرنیشنل فرم شاہراہ بھٹو بنا رہی ہے، کوتاہی برداشت نہیں کر سکتے، شاہراہ بھٹو پر پانی کی نکاسی کا نظام بنائیں گے، ابھی یہ حصہ عوام کے لیے نہیں کھلا۔سندھ حکومت کے ترجمان نے کہا کہ مرزا آدم خان روڈ پر پانی کی اطلاع تھی، سڑک کلیئر ہوگئی ہے، سمندر کا لیول بڑھا ہوا تھا، اس وجہ سے پانی دوبارہ لیاری ندی میں داخل ہو رہا تھا۔انہوں نے کہاکہ پانی کی نکاسی کے لیے 30 پمپس لگا دیے ہیں، مزید لگا رہے ہیں، مزید 100 ملی میٹر بارش کی پیشگوئی ہے، اگر مزید بارش نہیں ہوتی تو دوپہر تک ایم نائن کلیئر ہو جائے گا۔