کراچی،گزشتہ 24گھنٹوں کے دوران شہر میں سب سے زیادہ بارش سرجانی ٹائون میں 129.6 ملی میٹر ریکارڈ

بدھ 10 ستمبر 2025 17:04

کراچی(اُردو پوائنٹ اخبارتازہ ترین - این این آئی۔ 10 ستمبر2025ء)کراچی میں مون سون بارشوں کا سلسلہ جاری ہے، گزشتہ 24گھنٹوں کے دوران شہر میں سب سے زیادہ بارش سرجانی ٹائون میں 129.6 ملی میٹر ریکارڈ کی گئی، محکمہ موسمیات نے بارش کے اعداد و شمار جاری کر دیے۔محکمہ موسمیات کی جانب سے آگاہ کیا گیا ہے کہ نارتھ کراچی میں 72.2، کورنگی میں 70.5، ڈیفنس فیز سیون میں 70، گلشن حدید میں 59 اور پی اے ایف فیصل بیس پر 55 ملی میٹر بارش ریکارڈ کی گئی۔

(جاری ہے)

اسی طرح ناظم آباد میں 54، کیماڑی میں 52، سعدی ٹائون میں 51، گلشن معمار میں 48، اورنگی ٹائون میں 47 اور ایئرپورٹ پر 46.7 ملی میٹر بارش ریکارڈ کی گئی۔بحریہ ٹائون میں 45، یونیورسٹی روڈ پر 44.4 اور پی اے ایف مسرور بیس میں 41 ملی میٹر بارش ریکارڈ کی گئی، جناح ٹرمینل پر سب سے کم 29.8 ملی میٹر بارش ریکارڈ کی گئی ہے۔یاد رہے کہ کراچی میں دو روز سے وقفے وقفے سے بارش کا سلسلہ جاری ہے، جس کے باعث گزشتہ شب لیاری ندی میں پانی کی سطح 12 فٹ تک بلند ہوگئی تھی، تاہم اس وقت لیاری ندی پانی کی سطح بتدریج کم ہور ہی ہے۔