فرانس، بجٹ کٹوتیوں کیخلاف شدید احتجاج، مظاہرین نے کئی مقامات پر آگ لگا دی

جمعرات 11 ستمبر 2025 13:12

س (اُردو پوائنٹ اخبارتازہ ترین - این این آئی۔ 11 ستمبر2025ء)فرانس میں تقریبا 2 لاکھ افراد نے بجٹ کٹوتیوں کے خلاف احتجاجی مظاہرہ کرتے ہوئے صدر میکرون سے فوری استعفے کا مطالبہ کر دیا۔فرانس کے مختلف شہریوں میں عوام سڑکوں پر نکل آئے، مختلف مقامات پر کچرے کے ڈبوں اور دیگر اشیا کو آگ لگادی۔

(جاری ہے)

مظاہرین نے مغربی شہر رینس میں ایک بس کو نذر آتش کردیا، پیرس میں بھی عمارت کا ایک حصہ جلا دیا۔مظاہرین نے مختلف مقامات پر اہم سڑکیں اور ہائی ویز کو بلاک کردیا، جنوب مغربی علاقے میں بجلی کی کیبلز کو آگ لگنے سے ٹرین سروس معطل ہوگئی۔ مظاہرین کا کہنا تھا کہ حکومت کو چہرے نہیں بلکہ پالیسی بدلنا ہوگی۔