Live Updates

سپیکرپنجاب اسمبلی نے سیلاب نقصانات پر کمیٹی تشکیل دی

جمعرات 11 ستمبر 2025 23:01

لاہور(اُردو پوائنٹ اخبارتازہ ترین - آن لائن۔ 11 ستمبر2025ء)سپیکر پنجاب اسمبلی ملک محمد احمد خان نے سیلاب سے ہونے والے نقصانات کا تخمینہ لگانے کے لیے بااختیار پارلیمانی کمیٹی تشکیل دینے کا فیصلہ کیا ہے۔ یہ کمیٹی سیلاب سے بچاؤ کے لیے سفارشات مرتب کرے گی جبکہ زرعی اجناس کو پہنچنے والے نقصان اور ازالے کا بھی جائزہ لے گی۔کمیٹی میں حکومت اور اپوزیشن کے اراکین شامل ہوں گے۔

(جاری ہے)

پنجاب اسمبلی سیکرٹریٹ کمیٹی کے ٹی او آرز بنانے میں مصروفِ عمل ہے۔ کمیٹی ماہرین کو بھی طلب کرے گی اور متاثرین کی بحالی کے لیے سفارشات مرتب کرے گی، ساتھ ہی ریسکیو آپریشن پر بھی بریفنگ لی جائے گی۔ذرائع کے مطابق سیکرٹری زراعت، سیکرٹری لائیو سٹاک، سینئر ممبر بورڈ آف ریونیو، ڈی جی پی ڈی ایم اے اور سیکرٹری خزانہ کو بھی کمیٹی میں طلب کیا جائے گا۔