اگست میں گاڑیوں کی فروخت سالانہ 62 اور ماہانہ 28 فیصد بڑھ گئی

مالی سال 26 کے 2 ماہ میں 25ہزار 93گاڑیاں فروخت ہوئیں

جمعرات 11 ستمبر 2025 21:55

لاہور(اُردو پوائنٹ اخبارتازہ ترین - این این آئی۔ 11 ستمبر2025ء)اگست 2025 میں گاڑیوں کی فروخت سالانہ بنیاد پر 62 اور ماہانہ بنیاد پر 28 فیصد بڑھ گئی ۔

(جاری ہے)

پاکستان آٹو موٹیو مینو فیکچررز ایسوسی ایشن نے اعداد و شمار جاری کر دیئے ہیں، اگست 2025 میں 14 ہزار 50 گاڑیاں فروخت ہوئیں، مالی سال 26 کے 2 ماہ میں گاڑیوں کی فروخت میں سالانہ 45 فیصد اضافہ ہوا، مالی سال 2025-26 کے 2 ماہ میں 25 ہزار 93 گاڑیاں فروخت ہوئیں، اگست 2025 میں ٹرکوں کی فروخت سالانہ 139 فیصد اضافے سے 596 یونٹس رہی، اگست میں ٹریکٹرز کی فروخت سالانہ 63 فیصد کم ہوکر996ہو گئی-