Live Updates

اسحاق ڈار سے برطانیہ کی ہائی کمشنر کی ملاقات،سیلابی تباہ کارروائیوں پر طانیہ کی جانب سے مکمل یکجہتی کا اظہار

جمعہ 12 ستمبر 2025 16:55

اسلام آباد (اُردو پوائنٹ اخبارتازہ ترین - این این آئی۔ 12 ستمبر2025ء)نائب وزیراعظم اور وزیر خارجہ سینیٹر محمد اسحاق ڈار سے برطانیہ کی ہائی کمشنر جین میریٹ نے جمعہ کو یہاں ملاقات کی۔ دفتر خارجہ کی جانب سے جاری بیان کے مطابق ہائی کمشنر نے سیلاب اور جاری مون سون کے تباہ کن اثرات پر برطانیہ کی جانب سے پاکستان کے ساتھ مکمل یکجہتی کا اظہار کیا۔

(جاری ہے)

انہوں نے کہا کہ حکومت پاکستان/نیشنل ڈیزاسٹر مینجمنٹ اتھارٹی کے ساتھ ہم آہنگی میں3ملین پائونڈ ایمرجنسی ریلیف اور رسپانس کے ساتھ مزید انسانی امداد دی جارہی ہے جبکہ مزید انسانی امداد بھی فراہم کی جائے گی۔ نائب وزیر اعظم نے برطانیہ کے بروقت عزم کو سراہتے ہوئے تباہی کے پیمانے اور وقت کی فوری ضروریات کے بارے میں برطانیہ کی سمجھ اور امداد و بحالی کی کوششوں میں اس کی یکجہتی پر شکریہ ادا کیا۔ انہوں نے دو طرفہ تعلقات، اعلیٰ سطح کے تبادلوں کی اہمیت اور حالیہ علاقائی اور بین الاقوامی پیشرفت پر بھی تبادلہ خیال کیا۔