Live Updates

ایک ہفتے میں مہنگائی میں 0.2 فیصد کمی،سالانہ شرح 5.03فیصد ہوگئی

پیاز، ٹماٹر،آلو،چاول،انڈے اور چینی سمیت 22اشیائے ضروریہ مہنگی ہوئیں

جمعہ 12 ستمبر 2025 21:56

لاہور(اُردو پوائنٹ اخبارتازہ ترین - این این آئی۔ 12 ستمبر2025ء) ایک ہفتے کے دوران ملک میں مہنگائی کی شرح میں معمولی کمی کے بعد سالانہ شرح 5.03فیصد ہوگئی۔ادارہ شماریات کے مطابق گزشتہ ہفتے 22 اشیائے ضروریہ کی قیمتوں میں اضافہ ریکارڈ کیا گیا،پیاز، ٹماٹر،آلو،چاول،انڈے اور چینی مہنگی ہونے والی اشیا ء میں شامل ہیں۔

(جاری ہے)

ادارہ شماریات کی رپورٹ کے مطابق دال مونگ،ماش،ایل پی جی،لکڑی،کپڑے بھی مہنگے ہوئے،ایک ہفتے میں پیاز 12.17فیصد،ٹماٹر 10.47فیصد مہنگے ہوئے،آلو 3.57فیصد،چاول 1.63 فیصد،انڈوں کے دام 1.52فیصد تک بڑھے۔

ایک ہفتے میں 4اشیائے ضروریہ کی قیمتوں میں کمی آئی،گزشتہ ہفتے آٹا 9.80فیصد اورمرغی کی قیمت میں 3.20فیصد کمی آئی،گزشتہ ہفتے 25اشیائے ضروریہ کی قیمتوں میں استحکام رہا،سالانہ بنیاد پر ٹماٹر 90فیصد، چینی 29فیصد، آٹا 18.65فیصد تک مہنگا ہوا۔