ؐفیسکو کے متاثرہ فیڈرز میں 36 مکمل ‘ 44 جزوی‘ لیسکو میں لاہور، اوکاڑہ، شیخوپورہ، قصور اور ننکانہ کے 63 مکمل‘ 4 جزوی طور پر بحال

!اسلام آباد(اُردو پوائنٹ اخبارتازہ ترین - آن لائن۔ 14 ستمبر2025ء)سیلاب متاثرہ علاقوں میں بجلی کی بحالی پر پاور ڈویژن 14 ستمبر تک کی رپورٹ جاری کر دی گئی ہے ۔رپورٹ پاورڈویژن کے مطابق فیسکو کے زیرِ انتظام علاقوں ٹی ٹی سنگھ، فیصل آباد، چنیوٹ، جھنگ، سرگودھا، میانوالی اور ڈی آئی خان کے 28 گرڈ اور 81 فیڈرز متاثر ہوئے۔فیسکو کے متاثرہ فیڈرز میں 36 مکمل اور 44 جزوی طور پر بحال کردیئے گئے ہیں اورفیسکو کے 203844 متاثرہ صارفین میں سے 138550 صارفین کیلئے بجلی بحال کر دی گئی ہے۔

رپورٹ کے مطابق فیسکو کے باقی 65294 متاثرہ صارفین کیلئے بجلی کی بحالی کا کام پانی اترنے پر 15 ستمبر تک مکمل کرنے کی توقع ہے۔رپورٹ کے مطابق لیسکو میں لاہور، اوکاڑہ، شیخوپورہ، قصور اور ننکانہ کے 67 متاثرہ فیڈرز میں سے 63 مکمل اور 4 جزوی طور پر بحال، لیسکو کے 73734 متاثرہ صارفین میں سے 68909 صارفین کیلئے بجلی بحال کر دی گئی، لیسکو کے باقی 4825 متاثرہ صارفین کیلئے بجلی کی بحالی کا کام 14 ستمبر تک مکمل کرنے کی توقع، لیسکو کے زیرِ انتظام علاقے لاہور, ننکانہ اور شیخوپورہ میں بجلی کی بحالی کا کام مکمل ہوگئی ہے ۔

(جاری ہے)

رپورٹ پاورڈویژن کے مطابق میپکو کے زیرِ انتظام علاقوں کے 180 متاثرہ فیڈرز میں سے 7 مکمل اور 166 جزوی طور پر بحال، میپکو کے زیرِ انتظام علاقوں میں 268846 متاثرہ صارفین میں سے 20925 صارفین کیلئے بجلی بحال، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔ رپورٹ پاور ڈویژن کے مطابق گیپکوکے کے 11 گرڈز اور 103 متاثرہ فیڈرز میں سے 96 فیڈرز مکمل اور 7 جزوی طور پر بحال، گیپکو کے 735987 متاثرہ صارفین میں سے 734857 صارفین کیلئے بجلی بحال کر دی گئی، گیپکو کے باقی 1130 متاثرہ صارفین کیلئے بجلی بحالی کا کام سیلاب کا پانی اترنے پر مکمل کر لیا جائے گا۔

رپورٹ کے مطابق پیسکو کے علاقے سوات، بنر، شانگلہ، صوابی اور ڈی آئی خان کے 12 گرڈز اور 91 فیڈرز متاثر ہوئے، پیسکو کے 87 فیڈرز مکمل اور 4 جزوی طور پر بحال، پیسکو کے 463375 متاثرہ صارفین میں سے 461247 صارفین کیلئے بجلی بحال کر دی گئی، پیسکو کے زیرِ انتظام علاقے سوات، صوابی اور ڈی آئی خان میں بجلی کی بحالی کا کام مکمل ہو چکا ہے۔رپورٹ کے مطابق ٹیسکو کے علاقے شمالی وزیرستان اور خیبر کے 18 فیڈرز متاثرہوئے۔

ٹیسکو کے 17 فیڈر مکمل اور 1 فیڈر جزوی طور پر بحال، ٹیسکو کے 31774 متاثرہ صارفین میں سے 30778 صارفین کیلئے بجلی بحال کر دی گئی، ٹیسکو کے باقی 996 متاثرہ صارفین کیلئے بجلی کی بحالی کا کام تقریباًً 15 ستمبر شام 5 بجے تک مکمل ہونے کی توقع، ٹیسکو کے علاقے خیبر میں بجلی کی بحالی کا کام مکمل، ہیزیکو کے زیرِ انتظام علاقے مانسہرہ کے 3 متاثرہ فیڈر مکمل طور پر بحال، مجموعی طور پر 51 گرڈ اور 543 فیڈرز متاثر ہوئے، مجموعی طور پر 309 فیڈر مکمل اور 226 جزوی طور پر بحال، یوں 1801225 متاثرہ صارفین میں سے 1478931 صارفین کیلئے بجلی بحال کر دی گئی۔باقی 322294 متاثرہ صارفین کیلئے بجلی کی بحالی ترجیح ہے۔