Live Updates

پانامہ کیس فیصلے سے متعلق مبینہ آڈیولیک پرکمیشن تشکیل دینے کی درخواست خارج

پیر 15 ستمبر 2025 13:36

اسلام آباد(اُردو پوائنٹ اخبارتازہ ترین - این این آئی۔ 15 ستمبر2025ء)اسلام آباد ہائی کورٹ نے سابق چیف جسٹس ثاقب نثار کی پانامہ کیس کے فیصلے سے متعلق 2021 کی مبینہ آڈیو لیک پر کمیشن تشکیل دینے کی درخواست خارج کردی۔اسلام آباد ہائی کورٹ نے درخواست عدم پیروی پر خارج کی۔

(جاری ہے)

یاد رہے کہ نومبر 2021 میں اسلام آباد ہائی کورٹ میں سپریم کورٹ آف پاکستان کے سابق چیف جسٹس ثاقب نثار کی آڈیو ٹیپ اور عدلیہ پر دیگر الزامات کی تحقیقات کے لیے کمیشن بنانے کے لیے درخواست دائر کی گئی تھی۔

نومبر 2021 میں ہی سابق چیف جسٹس نے متنازع آڈیو لیک کو من گھڑت قرار دے دیا تھا۔اس مبینہ آڈیو ریکارڈنگ میں سابق چیف جسٹس نے عمران خان کو اقتدار میں لانے کیلئے نواز شریف اور مریم نواز کو سزا دینے کی ہدایات دی تھیں۔