چین، فلم731 دنیا بھر میں کئی مقامات پر ریلیز کی جائے گی

پیر 15 ستمبر 2025 20:00

بیجنگ (اُردو پوائنٹ اخبارتازہ ترین - این این آئی۔ 15 ستمبر2025ء)18 ستمبر کو ریلیز ہونے والی فلم 731 دنیا بھر میں کئی مقامات پر ریلیز کی جائے گی۔ یہ فلم بنیادی طور پرجاپانی جارحیت کے خلاف چین کی مزاحمتی جنگ کے خاتمے کے اواخر کی کہانی بیان کرتی ہے، جب چین پر حملہ آور جاپانی فوج نے صوبہ حہ لونگ جیانگ کے شہر ہاربن میں بیکٹیریولوجیکل جنگ کی تحقیق کی اور انسانی تجربات کے باعث عام شہریوں کا قتل عام کیا۔

(جاری ہے)

یاد رہے کہ 19 اگست کو، روسی فیڈرل سیکیورٹی سروس کے پبلک ریلیشن سینٹر نے اپنی سرکاری ویب سائٹ پر ایک ڈی کلاسیفائیڈ دستاویز جاری کی، جس میں دکھایا گیا ہے کہ جاپانی حملہ آور فوج کے 731 یونٹ نے بیکٹریولوجیکل جنگ شروع کی اور مسلسل انسانی تجربات کیے یہاں تک کہ انفیکشن کی شرح کا حساب لگانے کیلئے سینکڑوں چینی لوگوں پر پیتھوجینز لے جانے والے توپ خانے کے گولوں سے حملہ کیا۔